બોટાદ જીલ્લાના રાણપુર તાલુકાના કનારા-નાગનેશ વચ્ચે રોડ પર કેરી ગાડીના ચાલકે સ્ટેરીંગ ઉપર કાબુ ગુમાવતા પલટી બાળકો સહીત 10 થી 15 મુસાફરો ઈજાગ્રસ્ત થતા હોસ્પિટલ ખસેડવામાં આવ્યા છે.આ ઘટનાની જાણ થતા રાણપુર પોલીસ,108 એમ્બ્યુલન્સ ઘટના સ્થળે દોડી આવ્યા હતા અને તમામ ઇજાગ્રસ્તોને રાણપુરની સરકારી હોસ્પિટલ ખાતે ખસેડવામાં આવ્યા હતા.
આ સુપર કેરી ગાડી ભીમડાદ ગામેથી અરણેજ તરફ જઈ રહેલી સુપર કેરી ગાડી નું રાણપુરના કનારા અને નાગનેશ ગામ વચ્ચે ગાડીના ચાલકે સ્ટેરીંગ ઉપર કાબુ ગુમાવતા ગાડી પલ્ટી ગઈ અને અકસ્માતનો ભોગ બની હતી. પ્રાથમિક માહિતી અનુસાર ગાડીના ડ્રાઇવરે સ્ટીયરિંગ પરથી સંતુલન ગુમાવતાં ગાડી પલટી મારી ગઈ હતી.ગાડીમાં 10 થી 15 મુસાફરો સવાર હતા,જેમાં બાળકો સહીત 10 થી 15 લોકો ગાડીમાં હતા અને તમામને નાની-મોટી ઇજાઓ પહોંચી હતી.તમામ ઈજાગ્રસ્તો ને રાણપુર સામુહિક આરોગ્ય કેન્દ્ર ખાતે પ્રાથમિક સારવાર આપવામાં આવી હતી અને વધુ ઇજાગ્રસ્ત દર્દીઓને વધુ સારવાર અર્થે 108 એમ્બ્યુલન્સ મારફતે બોટાદ ખાતે રીફર કરવામાં આવ્યા હતા
