હિમાચલ પ્રદેશના ચંબામાં એક દુ:ખદ માર્ગ અકસ્માત થયો છે. આશરે 22 મુસાફરોને લઈ જતી એક ખાનગી બસ બૈરાગઢ-ચંબા રોડ પર દેવીકોઠી નજીક ચાલુજ વળાંક પર કાબુ ગુમાવી દીધી અને ખીણમાં ખાબકી ગઈ.
હિમાચલ પ્રદેશના ચંબા જિલ્લામાં એક દુ:ખદ માર્ગ અકસ્માત થયો છે. આશરે 22 મુસાફરોને લઈ જતી એક ખાનગી બસ બૈરાગઢ-ચંબા રૂટ પર દેવીકોઠી નજીક ટર્નિંગ દરમિયાન કાબુ ગુમાવી દીધો. આ ઘટનામાં સાત લોકોના મોત થયા છે, જ્યારે અન્ય મુસાફરો ઘાયલ થયા હોવાનું કહેવાય છે.
ડ્રાઇવર અને કંડક્ટર સહિત લગભગ 22 લોકો સવાર હતા. દેવીકોઠી નજીક ચાલુજ વળાંક પર બસ પહોંચતાની સાથે જ તે અચાનક કાબુ બહાર થઈ ગઈ અને ઊંડી ખીણમાં ખાબકી ગઈ. નોંધનીય છે કે ભારે વરસાદને કારણે હિમાચલ પ્રદેશના ઘણા વિસ્તારોમાં પરિસ્થિતિ ગંભીર છે. ચોમાસાની શરૂઆતથી, વરસાદ સંબંધિત ઘટનાઓમાં 64 લોકોએ જીવ ગુમાવ્યા છે, અને 14 ભૂસ્ખલન નોંધાયા છે. હવામાન વિભાગે 12 ઓગસ્ટ સુધી રાજ્યમાં ભારે વરસાદ માટે ચેતવણી જારી કરી છે.
