કેન્દ્રીય નાણા મંત્રી નિર્મળા સીતારામન 28 ઓગસ્ટથી 2 સપ્ટેમ્બર સુધીના છ દિવસીય મહત્વપૂર્ણ અમેરિકા પ્રવાસે જઈ રહ્યા છે. પોતાના આ પ્રવાસ દરમિયાન તેઓ શિકાગો ખાતે વૈશ્વિક રોકાણકારો અને અગ્રણી ઉદ્યોગપતિઓ સાથે બેઠકો કરશે. આ ઉપરાંત તેઓ પોલ્સ્કી સેન્ટરની મુલાકાત લઈને ભારત અને અમેરિકા વચ્ચે વેપાર, દ્વિપક્ષીય રોકાણ, ઇનોવેશન અને સ્ટાર્ટઅપ ક્ષેત્રે પરસ્પર સહયોગ વધારવા અંગે વિગતવાર ચર્ચા કરશે.
