સિંગાપોર PM લોરેન્સ વોંગના પગારમાં 64 ટકાનો વધારો

સિંગાપોરના વડા પ્રધાન લોરેન્સ વોંગના પગારમાં ૬૪ ટકાનો મોટો વધારો કરવામાં આવ્યો છે. આ પગાર વધારા સાથે તેમનું વાર્ષિક પેકેજ વધીને ૩.૬ મિલિયન સિંગાપોર ડોલર એટલે કે ભારતીય ચલણમાં આશરે ૨૬૯ મિલિયન રૂપિયા (૨૬.૯ કરોડ રૂપિયા) થઈ ગયું છે. આ પગાર અમેરિકી રાષ્ટ્રપતિના પગાર કરતા લગભગ સાત ગણો વધુ છે.
આગામી ૧૫ ઓક્ટોબરથી અમલમાં આવનારા આ નવા પગાર વધારા અંતર્ગત એક ઉત્તમ ઉદાહરણ પૂરું પાડતા વડા પ્રધાન લોરેન્સ વોંગે જાહેરાત કરી છે કે આ વધેલી રકમ તેઓ આગામી ૫ વર્ષ સુધી સતત ચેરિટીમાં દાન કરશે. સિંગાપોરમાં મંત્રીઓ અને વડા પ્રધાનના પગાર બજારમાં પ્રવર્તતા ઉચ્ચ કોર્પોરેટ વેતનને ધ્યાનમાં રાખીને નક્કી કરવામાં આવે છે, જેથી સક્ષમ નેતાઓ આકર્ષિત થઈ શકે અને ભ્રષ્ટાચારને અંકુશમાં રાખી શકાય. તેમ છતાં, વોંગ દ્વારા આ રકમ દાન કરવાનો નિર્ણય તેમની લોકકલ્યાણની ભાવના અને સાદાઈ દર્શાવે છે.