વિકસિત ભારત- 2047 પર મંથન સત્ર યોજાશે

કેબિનેટમાં સંભવિત ફેરબદલની અટકળો વચ્ચે આજથી કેન્દ્રીય મંત્રીપરિષદનું બે દિવસીય ચિંતન શિબિર શરૂ થઈ રહ્યું છે.વડાપ્રધાન નરેન્દ્ર મોદીની આગેવાની હેઠળનું આ મહામંથન ‘વિકસિ ભારત@2047’ થીમ પર કેન્દ્રિત છે.આજે સાંજે 4.30 વાગ્યે સેવાતીર્થ ખાતે બેઠકનો પ્રારંભ થશે.જેમાં મોદી સરકારના તમામ મંત્રીઓ જોડાશે.
આવતીકાલે સવારે 10 વાગ્યે બેઠક ફરીથી શરૂ થશે.આ દરમિયાન સરકારી નિયમોના સરલીકરણ અને ભવિષ્યના સુધારાઓ પર ગહન ચર્ચા કરવામાં આવશે.વર્ષ 2021માં પણ આ જ પ્રકારનું ચિંતન શિબિર યોજાયું હતું.જેમાં રાષ્ટ્રપતિ ભવનમાં અનેક સત્રો યોજાયા હતા અને તેમાં કાર્યદક્ષતા, સમય સંચાલન, શાસન સુધારણા તેમજ સાદગી પર ભાર મૂકવામાં આવ્યો હતો. તે સમયે પણ આ શિબિર કેબિનેટ ફેરબદલ બાદ જ યોજાયું હતું.