અમદાવાદ ગ્રામ્યમાં નવરાત્રી દરમિયાન સુરક્ષા માટે પોલીસે એક્શન પ્લાન તૈયાર કર્યો છે. જિલ્લામાં કુલ 890 સ્થળે ગરબાનું આયોજન છે, જેમાં 17 કોમર્શિયલ ગરબાની અરજીઓ મળી છે.
બોપલ અને અમદાવાદ શહેરને અડીને આવેલા ગરબા આયોજનો પર ખાસ નજર રાખવામાં આવશે. કોમર્શિયલ ગરબા આયોજકો માટે 24 પોઈન્ટની ચેકલિસ્ટ તૈયાર કરાઈ છે અને પોલીસ દ્વારા દરરોજ સુરક્ષા વ્યવસ્થાની સમીક્ષા કરવામાં આવશે. ગરબા સ્થળે CCTV રૂમ, મહિલા-બાળકો માટે અલગ હેલ્પ ડેસ્ક, પોલીસ અને મેડિકલ ડેસ્ક ફરજિયાત રહેશે. NRI અને GEN Z માટે અંગ્રેજીમાં સૂચના માટે પણ ખાસ વ્યવસ્થા કરવામાં આવશે. ફાયર, મેડિકલ અને R&B વિભાગની સંયુક્ત ટીમ 9 ઓક્ટોબરે જોઈન્ટ ડ્રિલ પણ યોજશે. ફાયર વિભાગના ઓનલાઈન પોર્ટલ પર 26 અરજીઓ આવી છે. સાયબર ક્રાઈમથી બચવા લોકોને અધિકૃત પ્લેટફોર્મ પરથી જ પાસ ખરીદવા સૂચના આપવામાં આવી છે.
