અમદાવાદમાં ફરી એકવાર બોમ્બ બ્લાસ્ટની ધમકી આપતા ઈમેલ મોકલાતા ખળભળાટ મચીગયો છે. આ વખતે 10 જેટલી સ્કૂલો, નરેન્દ્ર મોદી સ્ટેડિયમ તથા દિલજીત દોસાંઝના કાર્યક્રમમાં જ બોમ્બ બ્લાસટ કરવાની ધમકી આપવામાં આવી છે. ખાસ કરીને વેજલપુરની ઝાયડસ, સેટેલાઈટની બોડકદેવ સ્કૂલ ફોર ચિલ્ડ્રન, છારોડીની એસજીવીપી તથા સંત કબીર અને ડ્રાઈવ ઈન રોડ પર આવેલી એશિયા સ્કૂલ સહિત વિવિધ 10 જેટલી સ્કૂલ તેમજ હાઈકોર્ટ, નરેન્દ્ર મોદી સ્ટેડિયમ તથા દિલજીત દોસાંજના કાર્યક્રમમાં બોમ્બ બ્લાસ્ટ કરવાની ધમકી આપવામાં આવી હતી.
અમદાવાદની 10 સ્કૂલને બોમ્બથી ઉડાવવાની ધમકી મળી છે. ધમકી મળતા ફાયર વિભાગ, બોમ્બ સ્કોડ, ડોગ સ્કોડ અને પોલીસની ટીમ અલગ અલગ સ્કૂલો પર પહોંચી છે. ઝાયડસ સ્કૂલે વિદ્યાર્થીઓને વહેલા છોડી દીધા છે. મોટાભાગની પશ્ચિમ વિસ્તારની સ્કૂલને ધમકી મળી છે. ધમકી મળી તે સ્કૂલોમાં ઝાયડસ સ્કૂલ વેજલપુર, બોડકદેવ સ્કૂલ ફોર ચિલ્ડ્રન, સેટેલાઇટ, SGVP સ્કૂલ,છારોડી, સંત કબીર સ્કૂલ, એશિયા સ્કૂલ ડ્રાઈવ ઇન રોડ સહિતનો સમાવેશ છે. જિલ્લા શિક્ષણાધિકારી રોહિત ચૌધરીએ જણાવ્યું હતું કે, તમામ સ્કૂલને સ્થાનિક પોલીસ સ્ટેશનમાં જાણ કરવા જણાવ્યું છે. સ્કૂલમાં પેનિક ન ફેલાય તે રીતે વિદ્યાર્થીઓને બહાર કાઢીને વાલીઓને સોંપવા સૂચના આપવામાં આવી છે.
