ચંદીગઢ યુનિ.માં છોકરીઓનો વીડિયો ઉતારનાર છોકરીના ફોનમાંથી મળ્યાં ચાર વીડિયો

ચંદિગઢ યુનિ.ની હોસ્ટેલમાં જે છોકરીએ પોતાના મોબાઈલથી 60 છોકરીઓનો વાંધાજનક વીડિયો ઉતાર્યો હતો તેના મોબાઈલની ફોરેન્સિક તપાસ કરાઈ છે અને તેમાંથી જે મળ્યું છે તેને લઈને પોલીસે એક ખુલાસો જાહેર કર્યો છે.
યુનિવર્સિટી સત્તાવાળાઓ દ્વારા હોસ્ટેલની બે વોર્ડનને સસ્પેન્ડ કરી દેવાઈ છે જેમાંની એક વીડિયો વાયરલ થયા બાદ આરોપી છોકરીને ઠપકો આપતી નજરે ચડી હતી. સત્તાવાળાઓ દ્વારા 24 સપ્ટેમ્બર સુધી ચંદિગઢ યુનિવર્સિટી બંધ કરી દેવાઈ છે. યુનિવર્સિટી બંધ થતા વિદ્યાર્થીઓ પોતપોતાના ઘેર રવાના થયા હતા.
આરોપી છોકરીએ તેના મોબાઈલથી નાહતી છોકરીઓનો વીડિયો ઉતાર્યો હતો અને શિમલાના તેના બોયફ્રેન્ડને મોકલી આપ્યો હતો જે વાયરલ થયો હતો. પોલીસ દ્વારા આરોપી છોકરીની ધરપકડ બાદ તેનો મોબાઈલ ચેક કરાયો હતો. પોલીસે કહ્યું કે છોકરીના મોબાઈલમાંથી ફક્ત તેના 4 વીડિયો મળ્યાં છે જે તેના પ્રાઈવેટ છે. મોહાલીના પોલીસ અધિકારી નવરીત સિંહ વિર્કે કહ્યું કે છોકરીના ફોનમાંથી ફક્ત ચાર વીડિયો મળ્યાં છે જે તમામ તે છોકરીના છે. આ વીડિયોને છોકરીએ તેના બોયફ્રેન્ડને મોકલ્યાં હતા. તેમણે કહ્યું કે દેખાવ કરી રહેલા વિદ્યાર્થીઓ તરફથી મળેલા વીડિયો હજુ મળ્યાં નથી જોકે છોકરીઓનો વાંધાજનક વીડિયો ડિલિટ થયા હોવાની પણ શંકા છે.