ભાવનગરના ભગાતળાવ વિરતારમાં રહેતા શખ્સની એલ.સી.બી.એ ક્રિકેટ મેચ ઉપર ઓનલાઇન જુગાર રમી,રમાડતા ધરપકડ કરી રોકડ,મોબાઈલ સહિતનો મુદ્દામાલ કબજે કર્યો હતો.
ભાવનગરના ભગાતળાવ વિસ્તાર, લાલગર બાવાના મઢ પાસે રહેતા જીતેન્દ્રભાઈ ઉર્ફે ભોદી કનૈયાલાલ જાદવને એલ.સી.બી. ટીમે મળેલી બાતમીના આધારે અન્ય વ્યક્તિના આઈ.ડી.નો ઉપયોગ કરી ઇંગ્લેન્ડ- પાકિસ્તાનની ક્રિકેટ મેચ ઉપર ઓનલાઇન નાણાની હેરાફેરી કરી હારજીતનો જુગાર રમતા ઝડપી લઇ તેની પાસેથી રૂ.૩૧૧૦ રોકડા, ક્રિકેટના સટ્ટાના હિસાબની ડાયરી, ૪ મોબાઇલ મળી કુલ રૂ.૧૫,૧૧૨ નો મુદ્દામાલ કબજે કર્યો હતો.
એલ.સી.બી.ના કોન્સ્ટેબલ સંજયભાઈ ચુડાસમાએ જીતેન્દ્ર ઉર્ફે ભોદી કનૈયાલાલ જાદવ અને સટ્ટો રમવા માટે ઓનલાઈન આઈ.ડી. આપનાર ભગાતળાવ વિસ્તારમાં રહેતા જીગર ભદ્રેશભાઈ ધાનક વિરુદ્ધ સ્થાનિક ગંગાજળિયા પોલીસ મથકમાં ગુનો નોંધાવી કાયદેસર કાર્યવાહી હાથ ધરી હતી.
