ગત મોડી રાત્રે જામનગરમાંથી 24 લાખ જેટલા રૂપિયા ઝડપાયા હતા. ત્યારબાદ આજે ફરી રાજકોટમાંથી 40 લાખ જેટલી રોકડ રકમ ચેકિંગ દરમિયાન ઝડપી પાડવામાં આવી. મળતી માહિતી મુજબ રાજકોટ શહેરના ગોંડલ રોડ પર જસાણી સ્કૂલ નજીકથી ચૂંટણી દરમિયાન ચેકીંગ કરી રહ્યા હતા તે દરમિયાન 40 લાખ જેટલી રોકડ મળી આવી હતી.
મોટી માત્રામાં રોકડ મળતા ચૂંટણી અધિકારી, પ્રાંત અધિકારી, ઇન્કમટેક્સ અધિકારીઓ સહિતના અધિકારીઓ ઘટના સ્થળે પહોંચી દોડી આવ્યા હતાં. GJ 03 KH 0207 ફોર્ચ્યુનર કારમાંથી 40 લાખ રોકાણ મળી આવી હતી. મળતી માહિતી મુજબ કોઈ કારખાનાના માલિકના 40 લાખ હોવાનું સામે આવ્યું છે. હાલ અધિકારોઓ દ્વારા તપાસ કરવામાં આવી રહી છે.
