અનેક ઘાયલ, પ્રોસેસિંગની કામગીરી દરમિયાન આગ, બ્લાસ્ટ થતા દિવાલ ધરાશાયી,મૃતકોની સંખ્યા વધી શકે
વલસાડના ઉમરગામની સરીગામ GIDCમાં આગની ઘટના સામે આવી છે. મોડીરાત્રે ઉમરગામની સરીગામ GIDCમાં અચાનક આગ ભભૂકી ઉઠી હતી. પ્રાથમિક વિગતો મુજબ આ ઘટનામાં 2 લોકોના મોત થયા છે. આ સાથે અનેક વ્યક્તિ ઘાયલ બન્યા હોવાનું પણ સામે આવ્યું છે. ઘટનાને લઈ તાત્કાલિક અસરથી ફાયરની ટીમે દોડી આવી આગ બુઝાવવાની કવાયત શરૂ કરી હતી. જોકે વિકરાળ આગની ઘટનામાં હજી પણ મૃત્યુઆંક વધી શકે છે.
ગઈકાલે મોડીરાત્રે વેન પેટ્રોકેમ એન્ડ ફાર્મા કંપનીમાં અચાનક ભીષણ આગ હતી. સ્થાનિક ચર્ચા મુજબ પ્રોસેસિંગની કામગીરી દરમિયાન આગ લાગતા બ્લાસ્ટ થયો હતો. આ સાથે અહી બ્લાસ્ટ થતા દિવાલ ધરાશાયી થઇ હતી. મધરાત્રે આગ લગતા અફરાતફરીનો માહોલ સર્જાયો હતો. આ તરફ ઘટનાની જાણ થતાં જ 4થી વધારે ફાયરની ટીમો તાત્કાલિક સ્થળ ઉપર પહોંચી હતી. જ્યાં ભારે જહેમતને અંતે આગ ઉપર કાબૂ મેળવી લેવાયો છે.
સરીગામ GIDCમાં વેન પેટ્રોકેમ એન્ડ ફાર્મા કંપનીમાં આગની ઘટનામાં અત્યાર સુધી 2 લોકોના મોત થયાનું સામે આવ્યું છે. પ્રોસેસિંગની કામગીરી દરમિયાન આગ લાગતા બ્લાસ્ટ થયો હતો. અહી બ્લાસ્ટ થતા દિવાલ ધરાશાયી થઈ હોય હવે સંભવિત રીતે મૃતકોની સંખ્યામાં વધારો થઈ શકે છે.
