સમગ્ર સૌરાષ્ટ્ર અને ગુજરાત સાથે ભાવનગરમાં પણ છેલ્લા કેટલાક દિવસથી માવઠાએ માહોલ બગાડ્યો છે અને વાતાવરણમાં નાટકીય પલ્ટો જોવા મળી રહ્યો છે, ત્યારે આજે શુક્રવારે સવારે ભાવનગર શહેરમાં ધુમ્મસની ચાદર છવાઈ હોય તેવો માહોલ જોવા મળેલ. વહેલી સવારે ધુમ્મસ છવાતાં વાહન ચાલકોએ હેડલાઈટ ચાલુ રાખીને વાહનો ચલાવવાની ફરજ પડી હતી તેમ છતાં વિઝિબિલિટી ઘણી જ ઘટી ગઈ હતી, સવારે થોડો સમય ધુમ્મસ રહ્યા બાદ વાતાવરણ ધીમે ધીમે ચોખ્ખું થયું હતું. ઉલ્લેખનીય છે કે, ગુરુવારે સાંજે પણ એકદમ વાદળો ઘેરાઈ જતા વરસાદ તુટી પડશે તેવું જોવા મળેલ. જોકે, વાતાવરણ ચોખ્ખું થતાં ઉઘાડ નીકળેલ આથી લોકોએ અને ખાસ કરીને ખેડૂતવર્ગમાં રાહત થવા પામી હતી.
