Upcoming IPO: જો તમે આઈપીઓમાં રોકાણ કરવાનું પસંદ કરો છો તો તમારા માટે સારા સમાચાર છે. માર્કેટ રેગ્યુલેટર સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા એટલે કે સેબીએ બે કંપનીઓના આઈપીઓને મંજૂરી આપી દીધી છે. આ કંપનીઓ એબિક્સકેશ લિમિટેડ (Ebixcash Ltd) અને સર્વાઈવલ ટેક્નોલોજીસ (Survival Technologies) છે. બંને કંપનીઓ મળીને કુલ 7,000 કરોડ રૂપિયાનો આઈપીઓ (IPO) લાવવા જઈ રહી છે.
સેબીએ આ આઈપીઓ વિશે એક નિવેદન જાહેર કર્યું છે, જેમાં કહેવામાં આવ્યું છે કે આ બંને કંપનીઓએ માર્ચ 2022 અને ડિસેમ્બર 2022 વચ્ચે પ્રથમ વખત સેબીને ઈનીશિયલ ઓફરિંગ માટે દસ્તાવેજો સબમિટ કર્યા હતા. તેના પછી સેબીએ 10 એપ્રિલ, 2023 ના રોજ બંને કંપનીઓને IPO માટે તેનું ઓબ્ઝર્વેશન આપ્યું. આઈપીઓ (IPO) લાવવા માટે કોઈપણ કંપની પાસે ઓબ્ઝર્વેશન લેટર હોવો જરૂરી છે.
એબિક્સકેશ લિમિટેડના આઈપીઓ અંગો જાણો
SEBIને સબમિટ કરાયેલા દસ્તાવેજો મુજબ, એબિક્સકેશ (Ebixcash) અમેરિકન શેરબજાર નાસ્ડેક (Nasdeq) માં લિસ્ટેડ છે. સેબી પાસે જમા કરાયેલા દસ્તાવેજ મુજબ, કંપની આઈપીઓ (Ebixcash Ltd IPO) દ્વારા 6000 કરોડ રૂપિયા એકત્ર કરવાનો પ્રયાસ કરી રહી છે. આ આઈપીઓમાં કંપની ઓફર ફોર સેલ દ્વારા શેરનું વેચાણ નહીં કરે. સમગ્ર રકમ નવા શેર દ્વારા જ એકત્ર કરવામાં આવશે. આ IPO દ્વારા પ્રાપ્ત થયેલી રકમથી કંપની વર્કિંગ કેપિટલની જરૂરિયાતો પૂરી કરશે. તેની સાથે કંપની તેની સામાન્ય જરૂરિયાતો અને કોર્પોરેટ ઉદ્દેશ્યોને પૂર્ણ કરશે.
સર્વાઈવલ ટેક્નોલોજીસના આઈપીઓની ડિટેલ્સ
બીજી તરફ, સર્વાઇવલ ટેક્નોલોજીસ આઇપીઓ દ્વારા સેબીને સબમિટ કરવામાં આવેલા દસ્તાવેજો મુજબ, કંપનીના આઇપીઓ દ્વારા કુલ 200 કરોડ રૂપિયાના નવા શેર જારી કરવામાં આવશે. આ સિવાય કંપનીના પ્રમોટર 800 કરોડ રૂપિયાના શેર ઓફર ફોર સેલ દ્વારા ઈશ્યુ કરશે. કંપની આ રૂપિયાથી તેની વર્કિંગ કેપિટલની જરૂરિયાતો પૂરી કરશે. બંને કંપનીઓના શેર બોમ્બે સ્ટોક એક્સચેન્જ અને નેશનલ સ્ટોક એક્સચેન્જમાં લિસ્ટેડ કરવામાં આવશે.
