CMO અધિકારી હોવાનું કહી ધાક જમાવતા મહાઠગ વિરાજ પટેલને વડોદરા કોર્ટમાં રજૂ કરાયો હતો જ્યાં ગોત્રી પોલીસે આરોપીના 8 દિવસના રિમાન્ડની માંગ કરી હતી જ્યારે કોર્ટે મહાઠગ વિરાજના 5 દિવસના રિમાન્ડ મંજૂર કર્યા છે. CMO ઓફિસની ખોટી ઓળખ આપીને ઠગાઈ કરતો હતો તેમજ તેણે મુંબઈની મોડેલ સાથે ખોટી ઓળખ આપીને દુષ્કર્મ પણ આચર્યુ હતુ.
અગાઉ વર્ષ 2020માં કેન્દ્રીય ગૃહમંત્રીના પરિવારજન તરીકે ઓળખ આપી હતી, આરોપી વિરાજ પટેલ અટક બદલીને ગૃહમંત્રીના ભાણા તરીકે ઓળખ આપી હતી. ખોટી ઓળખ આપીને આગ્રાના ધારાસભ્ય યોગેન્દ્ર ઉપાધ્યાયને છેતરવાનો પ્રયાસ કર્યો હતો. વડોદરામાં CMO ઓફિસરની ખોટી ઓળખ આપનારો ઢગ ઝડપાયો છે જેની પોલીસે સઘન તપાસ હાથ ધરતા અનેક ચોંકાવનારા ખુલાસા થયા છે. વિરાજ પટેલે અત્યાર સુધી અનેક લોકો સાથે ઠગાઈ કરવાનો પ્રયાસ કર્યો છે. વર્ષ 2020માં ગૃહમંત્રી અમિત શાહની બહેનના દીકરાની ઓળખ આપી હતી તો આગ્રામાં ગૃહમંત્રી અમિત શાહ માટે ફાઈવ સ્ટાર હોટેલ ખરીદવાની વાત કરી હતી. આગ્રાના ધારાસભ્ય યોગેન્દ્ર ઉપાધ્યાયને ઠગવાનો પણ પ્રયાસ કર્યોનો ખુલ્યો છે.
2016માં ઉજ્જૈન MLA સાથે ઠગાઈ
વિરાજ શાહ તરીકેની ઓળખ આપી છેતરપિંડી આચરી હતી વધુમાં તેણે 2016માં ઉજ્જૈન MLA મોહન યાદવ સાથે ઠગાઈ કરી હોવાનો પણ જાણવા મળ્યું છે તેમજ એક યુવતી સાથે પણ ગિફ્ટ સિટી માટે મોડેલિંગના નામે ઠગાઈ કરી હતી. 2022માં બોપલની યુવતી પાસેથી મોડેલિંગના નામે 50 હજાર રૂપિયા પડાવ્યા પણ ચોંકાવનારો ખુલાસો થયો છે. ઠગ વિરાજ સામે અમદાવાદના જુદા-જુદા પોલીસ મથકોમાં ગુના દાખલ થયા છે.
