મંકિપોક્સ પણ હવે ગ્લોબલ હેલ્થ ઈમરજન્સી નથી, WHO ચીફનું એલાન

એક સમયે દુનિયામાં હાહાકાર મચાવનાર મંકિપોક્સ મંકિપોક્સ હવે કોઈ ગ્લોબલ હેલ્થ ઈમરજન્સી નથી રહ્યો. વિશ્વ આરોગ્ય સંગઠનના ચીફ ટેડ્રોસ અધનોમે જાહેર કર્યું છે કે મંકિપોક્સ હવે કોઈ ગ્લોબલ હેલ્થ ઈમરજન્સ નથી.
ગત અઠવાડિયે વિશ્વ આરોગ્ય સંગઠનની એક બેઠક મળી હતી જેમાં મંકિપોક્સ કોઈ ગ્લોબલ હેલ્થ ઈમરજન્સ ન હોવાનું અધિકારીઓએ ચીફને જણાવ્યું હતું જે પછી આજે વિશ્વ આરોગ્ય સંગઠનના ચીફે તેનું એલાન કરી દીધું હતું. ચીફ ટેડ્રોસ અધનોમે કહ્યું કે છેલ્લા 3 મહિનામાં કેસમાં 90 ટકા ઘટાડો થયો છે.
ઉલ્લેખનીય છે કે મંકિપોક્સ 111 દેશોમાં ફેલાયો હતો અને તેને કારણે 140થી વધુ લોકોના મોત થયા હતા. ડબ્લ્યુએચઓના અધિકારી ડેવિડ હેમેને કહ્યું, “એવું લાગે છે કે મનુષ્યમાં સેક્સ દ્વારા મંકીપોક્સ વધુ ફેલાઈ રહ્યો છે અને તેથી જ વિશ્વભરમાં કેસ વધી રહ્યા છે. ડબ્લ્યુએચઓ અનુસાર દક્ષિણ આફ્રિકાના દેશોમાં દર વર્ષે હજારો લોકોને મંકીપોક્સનો ચેપ લાગે છે.