બંને દેશોના અધિકારીઓએ વડા પ્રધાન નરેન્દ્ર મોદીની યુએસ મુલાકાત પહેલા ક્રિટિકલ એન્ડ ઇમર્જિંગ ટેક્નોલોજી પર પહેલ હેઠળ જેટ એન્જિન, લાંબા અંતરની આર્ટિલરી ગન અને પાયદળ વાહનોના સંયુક્ત ઉત્પાદન અંગે ચર્ચા કરી હતી. ભારતના રાષ્ટ્રીય સુરક્ષા સલાહકાર અજીત ડોભાલ અને યુએસ NSA જેક સુલિવાને આ વર્ષની શરૂઆતમાં ICET લોન્ચ કર્યું હતું.
પેન્ટાગોન ખાતે ભારતના સંરક્ષણ સચિવ ગિરધર અરમાણે સાથેની બેઠકમાં, યુએસ નાયબ સંરક્ષણ સચિવ કેથલીન હિક્સે બંને દેશોના સંરક્ષણ ક્ષેત્ર વચ્ચે ICET હેઠળ જેટ એન્જિન, લાંબા અંતરની આર્ટિલરી અને પાયદળ વાહનોના સહ-ઉત્પાદન માટેની દરખાસ્તો પર ચર્ચા કરી જે બંન્ને દેશોના સંબંધોને મજબૂત કરવાની ‘અભૂતપૂર્વ તક’.પેન્ટાગોનના પ્રવક્તા એરિક પાહોને જણાવ્યું હતું કે, બંને અધિકારીઓએ સંરક્ષણ ઔદ્યોગિક સહકારને વિસ્તારવા અને ઓપરેશનલ ભાગીદારી વિસ્તારવા સહિત ભારત-યુએસ સંરક્ષણ ભાગીદારીને મજબૂત કરવા માટેની પ્રાથમિકતાઓની ચર્ચા કરી હતી. પહોને કહ્યું કે હિક્સે ઈન્ડો-પેસિફિક ક્ષેત્રમાં શાંતિ અને સમૃદ્ધિને પ્રોત્સાહન આપવાના મહત્વ પર ભાર મૂક્યો.
