Jio એ Google સાથે પાર્ટનરશીપમાં વિશ્વનો સૌથી સસ્તો 4G ફોન લૉન્ચ કર્યો અને હવે અહેવાલ છે કે કંપની Jio Phone 5G પર કામ કરી રહી છે. Jio Phone 5G આ વર્ષના અંત સુધીમાં અથવા દિવાળીના ખાસ અવસર પર લોન્ચ થઈ શકે છે. Jio Phone 5G નો ફોટો પણ સામે આવ્યો છે, જેમાં ફોનની ડિઝાઇન વિશે માહિતી આપવામાં આવી છે.
લીક થયેલા રિપોર્ટ અનુસાર, Jio Phone 5Gમાં ડ્યુઅલ રીઅર કેમેરા સેટઅપ હશે અને ફોન બ્લેક કલરમાં ઓફર કરવામાં આવશે. આ સિવાય ફોનના કેટલાક ફીચર્સ પણ લીક થયા છે. Tipster @ArpitNahiMila એ Jio Phone 5G નો ફોટો શેર કર્યો છે, જેમાં ફોનનો આગળ અને પાછળનો ભાગ દેખાય છે.
Jio Phone 5Gની બેક પેનલ પર ડ્યુઅલ રિયર કેમેરા સેટઅપ છે, જેમાં પ્રાઈમરી લેન્સ 13 મેગાપિક્સલનો હોઈ શકે છે. બીજો લેન્સ AI સપોર્ટ સાથે 2 મેગાપિક્સલનો હશે. Jio Phone 5Gનું ડિસ્પ્લે વોટરડ્રોપ નોચનું હોઈ શકે છે. ફ્રન્ટમાં 5 મેગાપિક્સલનો કેમેરો મળી શકે છે. ફોનની બોડી પ્લાસ્ટિકની હશે. પાછળની પેનલ પર Jioનો લોગો હશે.
લીક થયેલા રિપોર્ટમાં કહેવામાં આવી રહ્યું છે કે Jio Phone 5Gની કિંમત 10,000 રૂપિયાથી ઓછી હોઈ શકે છે. તેમાં યુનિસોક 5જી અથવા ડાયમેન્સિટી 700 સીરીઝ પ્રોસેસર મળી શકે છે. અગાઉના અહેવાલમાં કહેવામાં આવ્યું હતું કે Jio Phone 5G સ્નેપડ્રેગન 480 પ્રોસેસર, 4 GB રેમ અને 32 GB સ્ટોરેજ સાથે ઓફર કરવામાં આવશે.
આપને જણાવી દઈએ કે સ્નેપડ્રેગન 480 હાલમાં સૌથી સસ્તું 5G પ્રોસેસર છે. Jio Phone 5Gમાં 6.5-ઇંચ HD + LCD ડિસ્પ્લે મળી શકે છે, જેનો રિફ્રેશ રેટ 90Hz હશે. Android 12 ફોન સાથે ઉપલબ્ધ હશે અને તેમાં 5000mAh બેટરી હશે જેની સાથે 18W ચાર્જિંગ ઉપલબ્ધ હશે.
