HDFC-HDFC Bank Merger : HDFC બેંકના કસ્ટમર્સ માટે મોટા સમાચાર આવ્યા છે. જો તમારું એકાઉન્ટ પણ આ બેંકમાં છે, તો તમારા માટે આ સમાચાર જાણવું ખૂબ જ જરૂરી છે. ખરેખર, HDFC બેંક અને HDFC લિમિટેડના મર્જરની તારીખ સામે આવી ગઈ છે. તે આવતા મહિને 1 જુલાઈ 2023થી અમલમાં આવશે. HDFC ગ્રુપના ચેરમેન દીપક પારેખે આ જાહેરાત કરી હતી.
સ્ટોક ડિલિસ્ટિંગ 13 જુલાઈથી લાગુ થશે
HDFC ગ્રૂપના ચેરમેન દીપક પારેખે જણાવ્યું હતું કે મર્જરને મંજૂરી આપવા માટે 30 જૂને બજાર બંધ થયા બાદ HDFC બેન્ક અને HDFCના બોર્ડની બેઠક મળશે. ગ્રૂપના વાઇસ-ચેરમેન અને CEO કેકી મિસ્ત્રીના જણાવ્યા અનુસાર, HDFC સ્ટોક ડિલિસ્ટિંગ 13 જુલાઈ, 2023થી લાગુ થશે. આનો અર્થ એ થયો કે 13 જુલાઈના રોજ ગ્રૂપની હાઉસિંગ ફાઈનાન્સ ફર્મના શેર સ્ટોક એક્સચેન્જમાંથી ડિલિસ્ટ કરવામાં આવશે.
બંને કંપનીઓના બોર્ડની બેઠક 30 જૂને થશે
HDFC બેંક અને HDSF લિમિટેડના મર્જર પછી HDFC બેંક વિશ્વની 5મી સૌથી મૂલ્યવાન બેંક બનશે. એપ્રિલ 2023 સુધીમાં, HDFC બેંક વિશ્વમાં માર્કેટ કેપની દ્રષ્ટિએ 11મા નંબરે હતી. બિઝનેસ ટુડેના અહેવાલ મુજબ, HDFCના ચેરમેન દીપક પરીખે જણાવ્યું હતું કે બંને કંપનીઓના બોર્ડ 30 જૂનના રોજ પોસ્ટ માર્કેટ અવર્સમાં મળશે અને મર્જરને સીલ કરશે.
જાહેર શેરધારકો પાસે 100% હિસ્સો હશે
HDFC બેંકે ગયા વર્ષે 4 એપ્રિલ 2022ના રોજ HDFC લિમિટેડને હસ્તગત કરવા માટે તેની સંમતિ દર્શાવી હતી. આ ડીલ લગભગ 40 અબજ ડોલરની છે. સૂચિત એકમની સંયુક્ત સંપત્તિનો આધાર આશરે રૂ. 18 લાખ કરોડ હશે. આ પછી, HDFC બેન્કમાં 100 ટકા હિસ્સો જાહેર શેરધારકો પાસે રહેશે અને HDFC બેન્કના વર્તમાન શેરધારકો બેન્કમાં 41 ટકા હિસ્સો ધરાવશે. HDFC લિમિટેડના દરેક શેરધારકને તેની પાસેના દરેક 25 શેર માટે HDFC બેંકના 42 શેર મળશે.
એચડીએફસી બેંક અને એચડીએફસીના મર્જરથી બનેલી એન્ટિટીની બેલેન્સ શીટ પણ મોટી હશે, જેના કારણે માર્કેટમાં તેની સ્થિતિ વધુ વધશે. આ મર્જર HDFC લિમિટેડ માટે વધુ ફાયદાકારક સાબિત થઈ શકે છે, કારણ કે તેનો વ્યવસાય ઓછો નફાકારક છે. સાથે જ HDFC બેંકનો લોન પોર્ટફોલિયો મજબૂત થશે.
બંને કંપનીઓના શેરમાં વધારો થયો હતો
કર્મચારીઓ પર પડેલી અસર અંગે ચેરમેન દીપક પરીખે જણાવ્યું હતું કે 60 વર્ષથી નીચેના દરેક કર્મચારીનો સમાવેશ કરવામાં આવશે અને તેમના પગારમાં બિલકુલ ઘટાડો કરવામાં આવશે નહીં. HDFC બેંકને આપણા લોકોની જરૂર પડશે. મર્જરને લગતી આ જાહેરાત બાદ બંને કંપનીઓના શેરમાં લગભગ 2 ટકાનો ઉછાળો આવ્યો હતો. જોકે, શેરબજારમાં ટ્રેડિંગના અંતે, હાઉસિંગ ડેવલપમેન્ટ ફાઇનાન્સ Crpratn (HDFC) લિમિટેડનો શેર 1.33 ટકાના ઉછાળા સાથે રૂ. 2,761.60 પર બંધ થયો હતો, જ્યારે HDFC બેન્ક લિમિટેડનો શેર 1.39 ટકા વધીને રૂ. 1,658.25 પર બંધ થયો હતો. પરંતુ બંધ રહ્યો હતો.
