‘ગોલ્ડન આર્મ’નો જાદુ બતાવતા નીરજ ચોપરાએ કબજે કર્યો ગોલ્ડ મેડલ

ગોલ્ડન બોય નીરજ ચોપરાએ એક મહિનાની ઈજામાંથી સાજા થયા બાદ મેદાન પર જોરદાર વાપસી કરી હતી. લોઝેન ડાયમંડ લીગમાં પોતાના ‘ગોલ્ડન આર્મ’નો જાદુ બતાવતા તેણે ફરી એકવાર 87.66 મીટરના અંતરે બરછી ફેંકીને ગોલ્ડ મેડલ કબજે કર્યો છે. નીરજ ચોપરાએ પોતાના 5મા પ્રયાસમાં આ કારનામું કરી બતાવ્યું હતું. આ તેનો આ વર્ષનો બીજો અને 8મો આંતરરાષ્ટ્રીય ગોલ્ડ મેડલ છે. અગાઉ તે દોહા ડાયમંડ લીગમાં પણ રમી ચુક્યા છે.
નીરજ ચોપરાલગભગ એક મહિનાના ઈજાના વિરામ પછી, તે ભાલા સાથે મેદાન પર ઉતર્યો. પાંચમા રાઉન્ડમાં તેણે 87.66 મીટરના થ્રો સાથે ટાઇટલ જીત્યું હતું. નીરજનો આ આઠમો આંતરરાષ્ટ્રીય ગોલ્ડ મેડલ છે. અગાઉ તેણે એશિયન ગેમ્સ, સાઉથ એશિયન ગેમ્સ, ઓલિમ્પિક ગેમ્સ અને ડાયમંડ લીગ જેવી ટુર્નામેન્ટમાં ગોલ્ડ મેડલ જીત્યા હતા.