WhatsApp આજે સૌથી વધુ ઉપયોગમાં લેવાતી સોશિયલ મીડિયા મેસેજિંગ એપ છે. તેના લાખો યુઝર્સ છે. લગભગ દરેક વ્યક્તિ જેની પાસે સ્માર્ટફોન છે તે WhatsAppનો ઉપયોગ કરે છે. યુઝર્સની સુવિધા માટે કંપની સમય સમય પર નવા ફીચર્સ સાથે નવા અપડેટ્સ લાવતી રહે છે. હવે વોટ્સએપે લેપટોપ અથવા ડેસ્કટોપ પર એપ્લિકેશનનો ઉપયોગ કરનારાઓ માટે એક મોટું અપડેટ આપ્યું છે. આવા યુઝર્સ હવે QR કોડ સ્કેન કર્યા વિના પણ લેપટોપ અથવા ડેસ્કટોપ પર WhatsApp પર લોગઈન કરી શકશે.
હવે વોટ્સએપ યુઝર્સ વેબ પર વોટ્સએપ એકાઉન્ટને સરળતાથી લોગઈન કરી શકશે. યુઝર્સ હવે માત્ર તેમના મોબાઈલ નંબરથી જ તેમના એકાઉન્ટમાં લોગઈન કરી શકશે. હવે તમારે WhatsApp ખોલીને લેપટોપ કે ડેસ્કટોપ પર QR કોડ સ્કેન કરવાની જરૂર નહીં પડે. તમે તમારા મોબાઈલ નંબરથી લોગઈન કરવા માટે WhatsApp વેબ પર જવું પડશે અને મોબાઈલથી લોગઈનનું ઓપ્શન પસંદ કરવાનું રહેશે. આ પછી તમારે તમારો મોબાઈલ નંબર નાખવાનો રહેશે.
તમે ત્યાં તમારો મોબાઇલ નંબર નાખો છો એ પછી તમને એક OTP મોકલવામાં આવશે, આ OTP તમારા મોબાઇલ પર દાખલ કરવાનો રહેશે. OTP ભર્યા પછી, તમે સરળતાથી WhatsApp વેબ પર લોગઈન કરી શકશો. હાલમાં, આ ફીચર ફક્ત કેટલાક સિલેક્ટેડ યુઝર્સને જ આ સુવિધા મળી રહી છે. કંપનીએ હજુ સુધી આ ફીચર દરેક માટે રોલઆઉટ કર્યું નથી. પણ જલ્દી જ કંપની આ ફીચર દરેક યુઝર માટે રોલઆઉટ કરશે.
વોટ્સએપના આ અપડેટથી યુઝર્સને ઘણી રીતે ફાયદો થશે. જો તમે વોટ્સએપને વારંવાર ખોલીને સ્કેનિંગની લાંબી પ્રક્રિયા ઇચ્છતા નથી, તો આ ફીચરની મદદથી તમે સરળતાથી લોગઈન કરી શકશો. આ ફીચર એવા લોકો માટે પણ ખૂબ જ મદદરૂપ થશે જેમનો કેમેરા ખરાબ છે અને તેના કારણે QR કોડ સ્કેન કરવામાં સમસ્યા આવી રહી છે.
