ત્રીજા રાઉન્ડની શરૂઆત: 62 તાલુકામાં વરસાદ

ગુજરાતમાં વરસાદના ત્રીજા રાઉન્ડની શરૂઆત થઈ ગઈ છે. છેલ્લા 24 કલાકમાં ગુજરાતના 62 તાલુકામાં વરસાદ નોંધાયો છે. જેમાં સૌથી વધુ વરસાદ જાંબુઘોડામાં 3.5 ઈંચ નોંધાયો છે. આ ઉપરાંત જેતપુર પાવીમાં 2.5 ઈંચ, જામકંડોરણામાં 2.5 ઈંચ, છોટાઉદેપુરમાં સવા 2 ઈંચ, ઉનામાં પોણા 2 ઈંચ, વિસાવદરમાં પોણા 2 ઈંચ, ક્વાંટમાં સવા ઈંચ, લાઠી અને જાફરાબાદમાં સવા ઈંચ, ગીરગઢડામાં સવા ઈંચ, બોડેલીમાં સવા ઈંચ વરસાદ પડ્યો છે. સાથે જ મેંદરડામાં 1 ઈંચ, માંડવીમાં પોણો ઈંચ, ભાવનગરમાં પોણો ઈંચ, કોડીનારમાં પોણો ઈંચ વરસાદ ખાબક્યો છે.
હવામાન વિભાગના જણાવ્યા અનુસાર, ગુજરાતમાં આવતીકાલથી વરસાદનું જોર વધશે. 19થી 22 જુલાઈ વચ્ચે રાજ્યમાં ભારે વરસાદ થશે. આ અઠવાડિયામાં રાજ્યમાં ભારેથી અતિભારે વરસાદ તૂટી પડશે તેવી આગાહી સ્થાનિક હવામાન વિભાગ દ્વારા કરવામાં આવી છે. હવામાન વિભાગના જણાવ્યા અનુસાર, આજે સમગ્ર રાજ્યમાં વરસાદી માહોલ જામશે.
હવામાન વિભાગના જણાવ્યા અનુસારા, આજે નવસારી, વલસાડ, દમણમાં અતિભારે વરસાદની આગાહી છે. જ્યારે તાપી, ડાંગ, સુરત, નર્મદા, ભરૂચ, વડોદરા, છોટાઉદેપુર, દાહોદ, પંચમહાલ, ખેડા, આણંદ, અમદાવાદ, ભાવનગરમાં ભારે વરસાદની આગાહી છે. અમરેલી, જૂનાગઢ, ગીર સોમનાથ, અરવલ્લી, મહીસાગર, સાબરકાંઠા, મહેસાણા, ગાંધીનગર, બોટાદ, સુરેન્દ્રનગર, રાજકોટ, પોરબંદર, કચ્છ, બનાસકાંઠા, સારબકાંઠા, પાટણ, મોરબી, જામનગરમાં હળવાથી મધ્યમ વરસાદની આગાહી હવામાન વિભાગ દ્વારા કરવામાં આવી છે.
19 જુલાઈના રોજ વલસાડ, તાપી, ડાંગ, સુરત, નવસારી, નર્મદા, ભરૂચ, વડોદરા, છોટાઉદેપુર, દાહોદ, પંચમહાલ, ખેડા, આણંદ, અમદાવાદ, ભાવનગર, અમરેલી, જૂનાગઢ, ગીર સોમનાથમાં વરસાદની આગાહી છે. આ ઉપરાંત અરવલ્લી, મહીસાગર, સાબરકાંઠા, મહેસાણા, ગાંધીનગર, બોટાદ, સુરેન્દ્રનગર, રાજકોટ, પોરબંદર, કચ્છ, બનાસકાંઠા, સારબકાંઠા, પાટણ, મોરબી, જામનગરમાં પણ વરસાદ ખાબકી શકે છે.
20 જુલાઈએ પાટણ, મોરબી, જામનગર, કચ્છ, બનાસકાંઠા, સાબરકાંઠા, સુરેન્દ્રનગર, રાજકોટ, પોરબંદર, અમરેલી, જૂનાગઢ, ગીર સોમનાથ, અરવલ્લી, મહીસાગર, સાબરકાંઠા, મહેસાણા, ગાંધીનગર, બોટાદ, દાહોદ, પંચમહાલ, ખેડા, વલસાડ, તાપી, ડાંગ, સુરત, નવસારી, નર્મદા, ભરૂચ, વડોદરા, છોટાઉદેપુરમાં વરસાદની આદગાહી છે. 20 જુલાઈના રોજ સુરત, નવસારી, જામનગર, પોરબંદર અને દ્વારકામાં ભારેથી અતિભારે વરસાદની સંભાવના છે.