સંસદનું સત્ર અને પ્રજાસતાક દિન ઉજવણી પુરી થતા ભાજપ ઈલેકશન મોડમાં

સંસદનું ચોમાસુ સત્ર તથા સ્વતંત્રતા દિનની ઉજવણી પુરી થતા જ હવે ભાજપ ફરી એક વખત એકશન મોડમાં આવી ગયો છે અને પાંચ રાજયોની ચુંટણી પુર્વે પક્ષે આજથી ઉચ્ચ કક્ષાની બેઠકોનો દૌર શરુ કર્યો છે
ચાલુ વર્ષના અંત સુધીમાં મધ્યપ્રદેશ, રાજસ્થાન, છતીસગઢ, તેલંગાણા અને મિઝોરમમાં ધારાસભા ચૂંટણીઓ યોજાવાની છે. ભાજપે તેમાં હવે રાજયથી લઈ રાષ્ટ્રીય કક્ષાએ તૈયારી શરુ કરી છે. ભાજપની કેન્દ્રીય ચુંટણી સમીતીની બેઠકમાં દરેક રાજયવાઈઝ પક્ષની સ્થિતિ અંગે સમીક્ષા કરી છે. એન્ટીઈન્કમબન્સી પક્ષને મધ્યપ્રદેશમાં નડી શકે છે તેની ખાસ ચિંતા કરશે. છતીસગઢ અને રાજસ્થાનમાં કોંગ્રેસ મજબૂત સ્થિતિમાં છે અને તેથી ત્યાં પણ ભાજપ માટે મુકાબલો ટફ હશે. 2024 પુર્વેની સેમીફાઈનલ જેવી આ સ્થિતિમાં ભાજપ હવે કોઈ કસર છોડવા માંગતુ નથી.