ના સ્પૉન્સર લોગો પહેરીશું, ના પ્રમોશન કરીશું – પાકિસ્તાની ખેલાડીઓની PCBને ખુલ્લી ચેતવણી

ભારતમાં 5 ઓક્ટોબરથી વર્લ્ડ કપ રમાશે અને તેના પહેલા ખેલાડીઓને સેન્ટ્રલ કોન્ટ્રાક્ટ મળે તેની સંભાવના જોવા નથી મળી રહી. પાકિસ્તાન ટીમને બે દિવસ બાદ ભારત માટે રવાના થવાનું છે અને તેના પહેલા સેન્ટ્રલ કોન્ટ્રાક્ટને લઈને પીસીબીની સાથે થયેલી બેઠકમાં કોઈ પોઝિટિવ વાત સામે નથી આવી. તેના કારણે ઘણા ખેલાડીઓની સ્થિતિ પર અસર પડી છે. ખાસ કરીને એ યુવા ક્રિકેટરોની સ્થિતિ સારી નથી જે હાલ આર્થિક તંગી સાથે ઝઝમી રહ્યા છે. અત્યાર સુધી તે ચુપચાપ પોતાનો વિરોધ વ્યક્ત કરી રહ્યા હતા. પરંતુ હવે તેઓ ખુલીને સામે આવવાનું વિચારી રહ્યા છે.
રિપોર્ટ અનુસાર પાકિસ્તાની ક્રિકેટર પાકિસ્તાન તરફથી પૈસા વગર રમવા માટે તૈયાર છે પરંતુ ખેલાડી ટીશર્ટ પર સ્પોન્સરના લોગો લગાવવાનો ઈનકાર કરી શકે છે. આ ક્રિકેટરોએ સાથે જ કહ્યું છે કે ખેલાડી કોઈ પણ પ્રકારના પ્રમોશનલ ઈવેન્ટ્સમાં ભાગ નહીં લે. તેમણે કહ્યું છે કે વર્લ્ડ કપ વખતે તે આઈસીસીના કમર્શિયલ પ્રમોશન્સમાં ભાગ લેવાનો ઈનકાર કરી શકે છે.
રિપોર્ટ અનુસાર ત્રણ ફોર્મેટમાં મુખ્ય ક્રિકેટરોને 45 લાખ પાકિસ્તાની રૂપિયા મળશે. પરંતુ ખેલાડીઓનું માનવું છે કે ટેક્સ કપાવ્યા બાદ આ 22થી 23 લાખ પાકિસ્તાની રૂપિયા જ રહેશે. માટે ખેલાડી વધારે પૈસા માંગી રહ્યા છે. પાકિસ્તાની ખેલાડીઓની સાથે જ માંગ છે તે તેમને પીસીબીને આઈસીસી અને સ્પોન્સરો પાસેથી જે રેવેન્યૂ મળે છે તેમાંથી પણ ભાગ આપવામાં આવે. પીસીબીનું હાલ માનવું છે કે બોર્ડની જે ડીલ છે તે બરાબર છે.