આ વર્ષના પ્રથમ અર્ધવાર્ષિક ગાળામાં એટલે કે જાન્યુઆરી-જૂન સમયગાળામાં UPI દ્વારા થતા વ્યવહારો વધીને રૂ. 83.17 લાખ કરોડ થયા છે. જે એક વર્ષ અગાઉના સમાન સમયગાળામાં રૂ. 56.59 લાખ કરોડ કરતાં 47 ટકા વધુ છે. મંગળવારે જાહેર કરાયેલ વર્લ્ડલાઇનના રિપોર્ટ અનુસાર, પ્રથમ છ મહિનામાં કુલ 51.91 બિલિયન UPI- વ્યવહારો થયા છે, જે વાર્ષિક ધોરણે 62 ટકા વધુ છે.
ખાસ વાત એ છે કે માત્ર ઓગસ્ટ મહિનામાં જ UPI દ્વારા ડિજિટલ પેમેન્ટની સંખ્યા અનેક ગણી વધીને 10 અબજ થઈ ગઈ છે. રિપોર્ટ અનુસાર, સરકારે જાન્યુઆરી-જૂન, 2023માં ઈલેક્ટ્રોનિક ટોલ કલેક્શનના રૂપમાં 303.4 અબજ રૂપિયાની કમાણી કરી હતી. આ આંકડો એક વર્ષ અગાઉના સમાન સમયગાળામાં $242.2 બિલિયન કરતાં 25.3 ટકા વધુ છે.
1.55 અબજ ક્રેડિટ કાર્ડ વ્યવહારો
રિપોર્ટ અનુસાર, આ વર્ષના પ્રથમ છ મહિનામાં ક્રેડિટ કાર્ડ દ્વારા 7.94 લાખ કરોડ રૂપિયાના 1.550 અબજ ટ્રાન્ઝેક્શન થયા છે. 3.17 લાખ કરોડ રૂપિયાના 1.379 અબજ વ્યવહારો ડેબિટ કાર્ડ દ્વારા થયા હતા. UPI મારફત ગ્રાહકથી વેપારી (P2M) વ્યવહારોની સંખ્યા વધીને 29.15 અબજ થઈ છે, જેમાં રૂ. 19.18 લાખ કરોડના વ્યવહારો થયા છે. UPI P2P (person2person) દ્વારા ટ્રાન્ઝેક્શનની સંખ્યા 22.75 અબજ સુધી પહોંચી છે.
સરેરાશ ટ્રાન્ઝેક્શન રૂ. 1,774
રિપોર્ટ અનુસાર, જાન્યુઆરી-જૂન દરમિયાન UPI દ્વારા સરેરાશ 1,774 રૂપિયાનું ટ્રાન્ઝેક્શન થયું હતું. UPI P2Pમાં સરેરાશ ટ્રાન્ઝેક્શનનું કદ રૂ. 2,812 હતું અને UPI P2Mમાં રૂ. 659 હતું. આ દર્શાવે છે કે હવે લોકો UPI દ્વારા નાની રકમના વ્યવહારો કરવાનું પસંદ કરી રહ્યા છે.
