છેલ્લા કેટલાક દિવસોમાં સરકાર દ્વારા કેટલીક કંપનીઓના વેચાણ બાદ હવે ત્રણ કંપનીઓના ભવિષ્ય અંગે નિર્ણય લેવાનો છે. ત્રણ કંપનીઓ મેટલ્સ એન્ડ મિનરલ્સ ટ્રેડિંગ કોર્પોરેશન ઓફ ઈન્ડિયા (MMTC), ઈક્વિપમેન્ટ કોર્પોરેશન ઓફ ઈન્ડિયા (PEC) અને પ્રોજેક્ટ એન્ડ સ્ટેટ ટ્રેડિંગ કોર્પોરેશન (STC) અંગે ટૂંક સમયમાં નિર્ણય લેવામાં આવશે. સૂત્રોનો દાવો છે કે 23 ઓક્ટોબરે કેન્દ્રીય વાણિજ્ય અને ઉદ્યોગ મંત્રી પીયૂષ ગોયલની અધ્યક્ષતામાં યોજાનારી ઉચ્ચ સ્તરીય બેઠકમાં આ કંપનીઓને બંધ કરવા અંગેનો નિર્ણય લેવામાં આવી શકે છે.
કેન્દ્રીય વાણિજ્ય મંત્રાલયે ગયા વર્ષે તેમને આયાત અને નિકાસ માટે કેનાલાઇઝિંગ એજન્સીઓ તરીકે ડિનોટિફાઇ કરવાનો નિર્ણય લીધા બાદ ત્રણ કંપનીઓને બંધ કરવાનો ખતરો લટકી ગયો છે. ઑગસ્ટ મહિનામાં, સેબીએ નેશનલ સ્પોટ એક્સચેન્જ લિમિટેડ (NSEL) સંબંધિત કેસમાં ગેરકાયદેસર ‘પેયર્ડ કોન્ટ્રાક્ટ’માં સંડોવણી બદલ સ્ટોક બ્રોકર તરીકે MMTCનું લાઇસન્સ રદ કર્યું હતું. અગાઉ સરકારે આ ત્રણ સરકારી કંપનીઓની ઉપયોગીતા અંગે તપાસ હાથ ધરી હતી. એવું માનવામાં આવતું હતું કે વાણિજ્ય વિભાગમાં કોઈ કેનાલાઇઝિંગ એજન્સીની જરૂર નથી.
મંત્રાલયે એમ પણ કહ્યું હતું કે, ‘બિન-વ્યૂહાત્મક ક્ષેત્રમાં CPSEs માટે નવી એન્ટરપ્રાઇઝ પોલિસી પર જાહેર સાહસોના વિભાગની માર્ગદર્શિકાને ધ્યાનમાં રાખીને, MMTC, STC અને PECને બંધ કરવાની વિચારણા કરવામાં આવી રહી છે. દરખાસ્ત વિચારણા હેઠળ છે. MMTC ઉચ્ચ ગ્રેડ આયર્ન ઓર, મેંગેનિઝ ઓર, ક્રોમ ઓર, કોપરા અને કિંમતી ધાતુઓની આયાત અને નિકાસ માટે કેનાલાઇઝિંગ એજન્સી હતી.
આ ઉપરાંત, STC ઘઉં, કઠોળ, ખાંડ અને ખાદ્ય તેલ જેવી મોટા પાયે વપરાશની આવશ્યક ચીજ-વસ્તુઓની આયાત માટે કેનાલાઇઝિંગ એજન્સી હતી. તે જ સમયે, PEC મશીનરી અને રેલવે સાધનોની નિકાસ અને આયાત સાથે સંબંધિત એજન્સી હતી. MMTC અને STC અનુક્રમે 1963 અને 1956 માં શરૂ કરવામાં આવ્યા હતા. PEC લિમિટેડની રચના 1971-72માં થઈ હતી.
