અમેરિકા બન્યું ભારતનું સૌથી મોટું વ્યાપારી ભાગીદાર

અમેરિકા ભારતનું સૌથી મોટું વ્યાપારી ભાગીદાર બન્યું છે. આ મામલે ચીન બીજા નંબરે છે. એપ્રિલથી સપ્ટેમ્બરમાં અમેરિકાને નિકાસ 41.49 અબજ ડોલરમાંથી ઘટીને 38.28 અબજ ડોલર થઈ ગઈ છે. જયારે આયાત 25.79 અબજ ડોલરથી ઘટીને 21.39 અબજ ડોલર રહી છે. ચીન સાથે વ્યાપાર ઘટીને 58.11 અબજ ડોલર થઈ રહ્યો છે.
વૈશ્ચીક આર્થિક અનિશ્ર્ચિતતાઓ અને ઘટતો નિકાસ-આયાત છતાં પણ ચાલુ નાણાકીય વર્ષની પ્રથમ 6 માસિકમાં અમેરિકા ભારતનું સૌથી મોટા ભાગીદાર તરીકે ઉભર્યું છે, જયારે આ મામલે ચીન બીજા નંબરે રહ્યું છે. વાણિજય મંત્રાલયના આંકડા અનુસાર એપ્રિલ-સપ્ટેમ્બરમાં ભારત અને અમેરિકા વચ્ચે વ્યાપાર 11.3 ટકા ઘટીને 59.67 અબજ ડોલર રહ્યો હતો જે ગત વર્ષના સમાન સમયગાળામાં 67.28 અબજ ડોલર હતો. એપ્રિલ-સપ્ટેમ્બરમાં અમેરિકાને નિકાસ 41.49 અબજ ડોલરથી ઘટીને 38.28 અબજ ડોલર રહી છે. જયારે આયાત 25.79 અબજ ડોલરથી ઘટીને 21.39 અબજ ડોલર રહી છે. ચીનની સાથે વ્યાપાર 3.56 ટકા ઘટીને 58.11 અબજ ડોલર રહ્યો છે.