સુરત જિલ્લા ભા.જ.પના જે તે સમયના પ્રમુખ અને હાલ ધારાસભ્ય સંદીપ દેસાઈના બીભત્સ ફોટા વાયરલ થવાના પ્રકરણમાં ફરાર હિતેન્દ્ર વાસીયાની એલ સી બી એ અટકાયત કરી છે. અગાઉ પોલીસે ડમી સિમ કાર્ડ ઉપયોગ કરી ષડ્યંત્ર રચનાર ત્રણની જિલ્લા એલ સી બીએ ધરપકડ કરી હતી.
ગત 23 ઓગસ્ટ 2022 ના રોજ સુરત જિલ્લા ભાજપ પ્રમુખ સંદીપ દેસાઈ સ્વિમિંગ પૂલમાં મહિલા સાથે ન્હાતા હોય એવા ફોટા નીચે લખાણ સાથે ફોટા સોશ્યલ મીડિયામાં વાયરલ થયા હતા. જે અંગે ભારે વિવાદ થયો હતો. સુરત જિલ્લા ભાજપ મધ્યસ્થ કાર્યાલયના ખાતમુહૂર્ત પ્રસંગે જ આ ફોટો વાઇરલ થતા રાજકીય ભૂકંપ સર્જાયો હતો. સંદીપ દેસાઈએ બારડોલી પોલીસ મથકમાં અરજી આપી હતી. જે અરજી આધારિત બારડોલી પોલીસ તપાસ કરતા જે નંબરથી ફોટા વાયરલ કરવામાં આવ્યા હતા. એ નંબર અંગે વિગતવાર તપાસ કરતા તે મોબાઈલ નંબર અન્ય કોઈ ગ્રાહક સાથે છેતરપિંડીથી એક્ટિવ કરી ગુનેગારને આપ્યું હોવાનું બહાર આવ્યું હતું .
જે તે સમય જિલ્લા ભાજપ પ્રમુખ સંદીપ દેસાઈને બદનામ કરવાનું કાવતરું કરવામાં બદનામ કરવા બદલ સંડોવાયેલા ત્રણેય વ્યક્તિ નવસારીના હિરેન ગુણવંત દેસાઇ, સંદીપ લોધી તેમજ અન્ય એક ઈસમ મળી વિરુદ્ધ બારડોલી પોલીસ મથકમાં કાયદેસરની ફરિયાદ કરી હતી. ગત ઓગસ્ટ માસ 2022માં ત્રણેયની ધરપકડ થઈ ચૂકી હતી. જે પ્રકરણમાં સચિનના રહેવાસી એવા હિતેન્દ્ર વાસીયા પર ફોટા વાયરલ કરવાનો આરોપ હતો. જે બાબતે જિલ્લા એલ સી બી એ હિતેન્દ્ર વાસીયાની અટકાયત કરી લીધી હતી.
સુરત ભાજપના નેતાના બીભત્સ ફોટો વાયરલ કરવાના કેસમાં ફરાર હિતેન્દ્ર વાસિયાની અટકાયત
અગાઉ પોલીસે ડમી સિમ કાર્ડ ઉપયોગ કરી ષડ્યંત્ર રચનાર ત્રણની ધરપકડ કરી હતી
