પેરીસના ભારતીય દુતાવાસના પ્રયાસોથી છુટકારો થયો છે. અત્યાર સુધી શશી રેડ્ડીનું નામ સામે આવ્યું હતું પરંતુ હવે પાલિ ભટિંડાનું નામ પણ ચર્ચાઈ રહ્યું છે. પેસેન્જરમાં ૭૦ જેટલા ગુજરાતીઓ હોવાનું જાણવા મળ્યું છે. સુત્રોના જણાવ્યા મુજબ શશી રેડ્ડી વર્ષમાં ૧૫૦૦થી ૧૮૦૦ ભારતીયોને ગેરકાયદેસર રીતે વિદેશમાં મોકલતો હતો. જેમાં તે રોમાનિયાની લિજેન્ડ સહિત અન્ય એરલાઇનના વિમાન કરોડો રૃપિયાના ભાડે લેતો હતો.
ગુજરાતમાં 10 થી 12 એજન્ટો શશી રેડ્ડી માટે કામ કરતા હતા. સૂત્રો દ્વારા એ પણ માહિતી મળી છે કે, મહેસાણા- ઉત્તર ગુજરાતના ૭૦થી વધુ લોકો આ રીતે વિદેશ જવાની તૈયારીમાં હતા. જો કે હાલ તો આ મામલે ગુજરાત પોલીસ પણ સતર્ક બની છે. જેમાં કેટલાક શંકાસ્પદ લોકોની પૂછપરછ ચાલી રહી છે. આની જાણ થતા જ કેટલાક એજન્ટો ભૂગર્ભમાં ઉતરી ગયા છે.
નિકારાગુઆ ગેરકાયદેસર ઇમિગ્રન્ટ્સ માટે સ્વર્ગ છે
નિકારાગુઆ યુ.એસ.માં પ્રવેશવાનો પ્રયાસ કરી રહેલા ગેરકાયદે ઇમિગ્રન્ટ્સ માટે આશ્રયસ્થાન છે. દર વર્ષે મોટી સંખ્યામાં ગેરકાયદેસર ઇમિગ્રન્ટ્સ આ દેશમાંથી યુએસ બોર્ડર તરફ જાય છે. રસ્તામાં તેઓએ મધ્ય અમેરિકાના ઘણા દેશોને પાર કરવાના છે, જેમાં મુખ્ય છે હોન્ડુરાસ, ગ્વાટેમાલા અને મેક્સિકો. આ સમય દરમિયાન આ પરપ્રાંતીયોને ઘણી મુશ્કેલીઓનો પણ સામનો કરવો પડે છે, જેમાં ધરપકડ, લૂંટ, હત્યાનું પણ જોખમ રહેલું છે.
