ચાર વર્ષ પછી પાટનગર ગાંધીનગરમાં વાઇબ્રન્ટ ગુજરાત ગ્લોબલ સમિટ-24નું આયોજન થઇ રહ્યુ છે. આ સમિટને સફળ બનાવવા માટે સરકાર કામે લાગી છે. વાઇબ્રન્ટ ગુજરાત સમિટને પગલે પાટનગરને શણગારવામાં આવ્યું છે. મહાત્ત્મા મંદિર તરફ જતા તમામ રૂટો પર ચાંપતો પોલીસ બંદોબસ્ત ગોઠવી દેવાયો છે. 10 જાન્યુઆરીએ વાઇબ્રન્ટ ગુજરાત સમિટનું વડાપ્રધાન નરેન્દ્ર મોદીના હસ્તે ઉદ્દઘાટન થશે. આજથી જ દેશ વિદેશના મહાનુભાવોનું આગમન શરૂ થશે. સાથે સાથે વડાપ્રધાન નરેન્દ્ર મોદીનું પણ આજે રાત્રે આઠ વાગ્યે અમદાવાદ એરપોર્ટ પર આગમન થશે.
અમદાવાદમાં એરપોર્ટ-ગાંધીનગર સુધી ભવ્ય રોડ શોની તૈયારીઓ, ગાંધીનગર તરફ જતાં રૂટો પર ચાંપતો બંદોબસ્ત ગોઠવાયો છે. વાઇબ્રન્ટ ગુજરાત ગ્લોબલ સમિટનું કાઉન્ટ ડાઉન શરૂ થઇ ચૂક્યુ છે. સમિટમાં 30થી વધુ દેશોના પ્રતિનિધીઓ ભાગ લેવાના છે જેના પગલે અમદાવાદ એરપોર્ટ પર પણ ધમધમાટ શરૂ થયો છે. એરપોર્ટ પર પોલીસનો કાફલો ખડકી દેવાયો છે.
વડાપ્રધાન નરેન્દ્ર મોદીનો અમદાવાદમાં રોડ શો રદ કરવામાં આવ્યો છે. યુએઇના પ્રેસિડેન્ટ દ્વારા પણ હવે ગાંધી આશ્રમની મુલકાત લેવામાં નહીં આવે. હવે આ રોડ શો અમદાવાદ એરપોર્ટથી ઇન્દિરા બ્રિજ સુધી યોજાશે. રોડ શો બાદ વડાપ્રધાન મોદી અને યુએઇના પ્રેસિડેન્ટ ગાંધીનગરની હોટેલમાં જશે.
અત્યાર સુધીમાં 45 હજાર ડેલિગેટોએ રજીસ્ટ્રેશન કરાવ્યુ છે. જ્યારે 40 હજારથી વધુ કંપનીઓએ ભાગ લેવા તૈયારી દર્શાવી છે. આ વખતે વાઇબ્રન્ટ ગુજરાત સમિટમાં ગ્રીન હાઇડ્રોજન, ઇલેક્ટ્રીક મોબાલિટી, રિન્યુએબલ એનર્જી જેવા વિષયો પર મુખ્ય ફોકસ રહેશે. સમિટમાં 34 પાર્ટનર કન્ટ્રી ઉપરાંત 16 પાર્ટનર વૈશ્વિક સંસ્થાઓ ભાગ લેશે. વાઇબ્રન્ટ ગુજરાતની 10મી સિઝન 10થી 12 જાન્યુઆરી, 2024 સુધી ગાંધીનગરમાં આયોજિત કરવામાં આવી રહ્યું છે. વાઇબ્રન્ટ સમિટનો વિષય ‘ગેટ વે ટૂ ધ ફ્યૂચર – ભવિષ્યનો પ્રવેશદ્વાર છે.
વાઇબ્રન્ટ ગુજરાત સમિટ-2024નો સત્તાવાર કાર્યક્રમ
તા. 9- સવારે 9.30 વાગે વડાપ્રધાન મોદીની વર્લ્ડ લિડર, વિવિધ કંપનીના સીઇઓ સાથે મીટિંગ
તા.9- બપોરે 3 વાગ્યે વાઇબ્રન્ટ ગુજરાત ગ્લોબલ ટ્રેડ શોનું પીએમ મોદીના હસ્તે ઉદ્દઘાટન
તા.10- સવારે 9.45 વાગ્યે વાઇબ્રન્ટ ગુજરાત ગ્લોબલ સમિટનું વડાપ્રધાન મોદીના હસ્તે ઉદ્દઘાટન
તા.10- સાંજે 5.45 વાગ્યે ગિફ્ટ સિટીમાં પીએમ મોદીની વિશ્વના ટોચના બિઝનેસ લિડર સાથે ચર્ચા
