ગુજરાતમાં કમોમસી વરસાદનું સંકટ ઘેરાયુ છે.જે ખેડૂતો માટે માઠા સમાચાર સમાન છે.રાજ્યમાં આગામી બે દિવસ હળવા વરસાદી ઝાપટાની હવામાન વિભાગે આગાહી કરી છે. ઉલ્લેખનીય છે કે કમોસમી વરસાદના કારણે પાકને નુકશાન થવાની ભીતિ પણ સેવાઈ રહી છે,
આજે ગીર સોમનાથ, બોટાદ, ભાવનગર, સુરેન્દ્રનગર, દીવ, અમદાવાદ, ગાંધીનગર, મહેસાણા, સાબરકાંઠા, બનાસકાંઠા, અરવલ્લી, નવસારી,વલસાડ, દમણ, દાદરા-નગર હવેલીમાં વરસાદી ઝાપટા પડી શકે છે. આવતીકાલે પણ અમદાવાદ, ગાંધીનગર, સાબરકાંઠા, અરવલ્લી, ડાંગ, તાપી, નવસારી,વલસાડ, સુરેન્દ્રનગર અને બોટાદમાં હળવા ઝાપટા પડી શકે છે.
હવામાન વિભાગના મતે આગામે બે દિવસમાં ઠંડીમાં આંશિક ઘટાડો થઈ શકે છે. ગત રોજ અમદાવાદમાં ઠંડીમાં આંશિક ઘટાડો નોંધાયો હતો. જોકે સૂસવાટાભર્યા ઠંડા પવનોનોના કારણે ઠંડી અનુભવાઈ હતી.લોકો તાપણા કરીને પણ બેઠેલા જોવા મળ્યા હતા.
