અમદાવાદ શહેરના હાટકેશ્વર નજીકરસ્તા પર પાર્ક થયેલી એક કારમાંથી એક પુરુષનો મૃતદેહ મળી આવ્યો છે. ઘટનાની જાણ થતા ખોખરા પોલીસ ઘટનાસ્થળે દોડી આવી હતી અને તપાસ શરૂ કરી હતી.
ઘટના અંગે મળતી માહિતી અનુસાર હાટકેશ્વર નજીક ભાઈપુરા વિસ્તારમાં રસ્તા પર પાર્ક કરેલી અમેઝ કારમાંથી પુરુષનો મૃતદેહ મળી આવ્યો હતો. કારમાં એક બેગ પણ હતી, જેમાં રહેલા ડોક્યુમેન્ટ્સ આધારે યુવકની ઓળખાણ થઈ હતી. મૃતકનું નામ અભિષેક શર્મા હોવાનું અને તે આદિત્ય બિરલા કેપિટલમાં એજન્સી પાર્ટનર તરીકે નોકરી કરતો હોવાનું તેમજ મણિનગર વિસ્તારમાં આવેલા શ્રીનંદનગરમાં રહેતો હોવાનું જાણવા મળ્યું છે.
ઘટનાની જાણ થતા ખોખરા પોલીસ ઘટનાસ્થળે દોડી આવી હતી અને આ યુવકે આત્મહત્યા કરી છે, કોઈએ તેની હત્યા કરી છે કે પછી કુદરતી રીતે મૃત્યુ થયું છે એ કારણ જાણવા માટે તાપસ શરૂ કરી છે.
હાટકેશ્વર નજીક કારમાંથી મળ્યો પુરુષનો મૃતદેહ
હત્યા કે આત્મહત્યા અંગે ઘૂંટાતું રહસ્ય
