કોલકાતા: ત્રીજા દિવસે પણ સ્વાસ્થ્ય ભવન બહાર પ્રદર્શન

કોલકાતામાં જુનિયર ડોક્ટરોના વિરોધનો ગુરુવારે 33મો દિવસ છે. છેલ્લા ત્રણ દિવસથી સ્વાસ્થ્ય ભવન બહાર તબીબો હડતાળ પર બેઠા છે. તેઓ કોલકાતા પોલીસ કમિશનર વિનીત ગોયલને પદ પરથી હટાવવા સહિત 5 માગ પર અડગ છે.
ડૉક્ટરો 11 સપ્ટેમ્બરે બંગાળ સરકાર સાથે વાત કરવા સંમત થયા હતા. તેમણે બેઠક માટે 4 શરતો મૂકી હતી. જોકે, સરકારે શરતોને ફગાવી દીધી હતી. સ્વાસ્થ્ય મંત્રી ચંદ્રિમા ભટ્ટાચાર્યએ કહ્યું કે અમે ડોક્ટરોની વાત સાંભળવા તૈયાર છીએ, પરંતુ તેઓ તેના માટે શરતો નક્કી કરી શકતા નથી. વિરોધમાં ભાગ લેનાર જુનિયર ડૉક્ટર ડૉ. અર્નબ મુખોપાધ્યાયે કહ્યું, ‘આરોગ્ય મંત્રીએ કહ્યું કે તેઓ અમારી સ્થિતિથી નિરાશ છે. એસી રૂમમાં બેસીને તે નિરાશ થઈ રહી છે. અમે અહીં શેરીઓમાં છીએ. બેઠક માટેની અમારી શરતો ખોટી નથી.