હિમાચલ પ્રદેશના લાહૌલ અને સ્પીતિના તાબોમાં સૌથી ઠંડું તાપમાન નોંધાયું હતું, જ્યાં રાત્રે તાપમાન ઘટીને -13.6 ડિગ્રી સેલ્સિયસ થઈ ગયું હતું. જમ્મુ-કાશ્મીર અને હિમાચલ પ્રદેશના પહાડી રાજ્યોમાં હિમવર્ષાના કારણે મેદાની વિસ્તારોમાં ઠંડી વધી છે. હવામાન વિભાગે ગુરુવાર માટે હિમાચલ પ્રદેશના 12માંથી 5 જિલ્લા – ઉના, બિલાસપુર, હમીરપુર, કાંગડા અને મંડીમાં કોલ્ડવેવ, કરા અને ગાઢ ધુમ્મસ માટે યલો એલર્ટ જાહેર કર્યું હતું.
દેશના 15 રાજ્યોમાં ધુમ્મસનું એલર્ટ જાહેર કરવામાં આવ્યું છે. જેમાં દિલ્હી, પંજાબ, હરિયાણા, ચંદીગઢ, હિમાચલ પ્રદેશ, ઉત્તર પ્રદેશ, મધ્ય પ્રદેશ, બિહાર, ઓડિશા, આસામ, મેઘાલય, ત્રિપુરા, મિઝોરમ, નાગાલેન્ડ અને મણિપુરનો સમાવેશ થાય છે.આગામી બે દિવસમાં યુપી, રાજસ્થાન અને બિહારમાં વરસાદની સંભાવના છે. 12 જાન્યુઆરીથી જયપુર, બિકાનેર સહિત 4 જિલ્લામાં ગાઢ ધુમ્મસ રહેશે. ગુરુવારે MPના 9 જિલ્લામાં કોલ્ડ ડેનું એલર્ટ છે. પંચમઢીમાં પારો 0.2 નોંધાયો હતો. જ્યારે મંગળવાર-બુધવારની રાત્રે ભોપાલમાં તાપમાન 3.6 ડિગ્રી હતું.
