ઈલોન મસ્કની કંપની સ્પેસએક્સએ ગુરુવારે તેમના મેગા રોકેટ સ્ટારશિપનું આઠમી વખત પરીક્ષણ કર્યું હતું. જોકે આ દરમિયાન લોન્ચિંગની અમુક જ મિનિટો બાદ સ્ટારશિપ સાથે તેનું સંપર્ક તૂટી ગયું. જેના લીધે એન્જિન બંધ થઇ ગયું અને કંપનીના લાઈવ સ્ટ્રીમિંગ દરમિયાન જ આકાશમાં સ્ટારશિપનું રોકેટ ફાટી ગયું.
આ ઘટનાની થોડીક જ મિનિટો બાદ સોશિયલ મીડિયા પર અનેક વીડિયો ફરતા થયા જેમાં દેખાયું કે દક્ષિણ ફ્લોરિડા અને બહામાસની આજુબાજુના આકાશમાં અંતરિક્ષ યાનનો કાટમાળ અગનગોળાની જેમ જમીન તરફ પડ્યો હતો. જોકે કંપનીએ કહ્યું કે આ મિશન સંપૂર્ણપણે નિષ્ફળ રહ્યું નથી. અમે આ લોન્ચિંગ સમયે સુપર હેવી બૂસ્ટરનું પરીક્ષણ કર્યું હતું જેણે સફળતાપૂર્વક કામ કર્યું અને સ્પેસએક્સને મહત્ત્વપૂર્ણ ડેટા મળી રહ્યો. સ્પેસ-સ્કિમિંગ ફ્લાઇટ એક કલાક ચાલવાની હતી અને પ્લાન મુજબ મોક સેટેલાઇટ અવકાશમાં લોન્ચ કરી શકાયા ન હતા. રોકેટ પર મુશ્કેલી સર્જાય તે પહેલા અવકાશયાન લગભગ 90 માઈલ (150 કિલોમીટર)ની ઊંચાઈએ પહોંચ્યું હતું. તે પછી બેલાસ્ટ વિસ્ફોટ થયો અને રોકેટ વિખેરાઈ ગયું, તેનો કાટમાળ નીચે પડ્યો. “દુર્ભાગ્યવશ, આ છેલ્લી વખત પણ બન્યું હતું, તેથી હવે અમારી પાસે આ સાથે થોડી પ્રેક્ટિસ છે,” સ્પેસએક્સ ફ્લાઇટ કોમેન્ટેટર ડેન હ્યુટે લોન્ચ સાઇટ પરથી જણાવ્યું હતું.
નાસાએ આ દાયકાના અંતમાં તેના અવકાશયાત્રીઓને ચંદ્ર પર ઉતારવા માટે સ્ટારશિપ બુક કરી છે. સ્પેસએક્સના એલોન મસ્કનું લક્ષ્ય વિશ્વના સૌથી મોટા અને સૌથી શક્તિશાળી રોકેટ સ્ટારશિપ સાથે મંગળ પર જવાનું છે.ભવિષ્યના મિશન માટે પ્રેક્ટિસ તરીકે આ 8મી ટેસ્ટ ફ્લાઇટમાં રોકેટ અવકાશમાં પહોંચ્યા પછી છોડવા માટે સ્ટારશિપ પાસે ચાર મોક સેટેલાઇટ હતા. તેઓ સ્પેસએક્સના સ્ટારલિંક ઈન્ટરનેટ ઉપગ્રહો જેવા જ હતા, જેમાંથી હજારો હાલમાં પૃથ્વીની ભ્રમણકક્ષા કરે છે.
