ગુજરાતના વરિષ્ઠ IPS અધિકારી રવીન્દ્ર પટેલને ત્યાં SEBIના દરોડા પડ્યાં છે. 20 માર્ચ, 2025ને ગુરૂવારે એક વિશેષ ટીમ દ્વારા સાબરકાંઠાના ખેડબ્રહ્મામાં આવેલા રોધરા ગામે IPS અધિકારીના ઘરે તપાસ હાથ ધરવામાં આવી હતી. આ સાથે ગલોડીયા ગામમાં રહેતા IPSના સાળાની પણ કેન્દ્રીય ટીમો દ્વારા પૂછપરછ હાથ ધરવામાં આવી હતી. નાણાકીય લેવડદેવડ અને મિલકત સહિતના બાબતે પૂછપરછ અધિકારી અને તેના સાળની પૂછપરછ કરવામાં આવી હતી. દિવસભર ચાલેલી કાર્યવાહીના કારણે આ ઘટના સમગ્ર પોલીસ બેડામાં ચર્ચાનો વિષય બન્યો હતો. રવીન્દ્ર પટેલ 2016ની બેચના IPS અધિકારી છે. તેમના પિતા પણ IG કક્ષાના નિવૃત IPS અધિકારી રહી ચૂક્યા છે.
શેરબજારના ભાવોમાં કુત્રિમ ઉછાળા પ્રકરણમાં આઇપીએસ હોવાની વાતો ફેલાતાં ચોતરફ ભારે ચકચાર મચવાની સાથોસાથ આશ્ચર્ય પણ ફેલાયું હતું. SEBIએ ફટકારેલી નોટીસમાં રવીન્દ્ર ડાહ્યાભાઇ પટેલે 1.90 કરોડ અને 72.80 લાખની પેનલ્ટી ભરવાની સાથોસાથ છ મહિના સુધી સાધના બ્રોડકાસ્ટ કંપનીના શેરોની લેવડદેવડ નહીં કરવાની બાહેધરી આપતાં સમાધાન કર્યું હોવાની હકીકત પ્રકાશમાં આવી છે.
