યુએસ આર્મીના વરિષ્ઠ અધિકારીને તાત્કાલિક પદ છોડવા ફરમાન

પશ્ચિમ એશિયામાં ઈરાન સાથે યુદ્ધ લડી રહેલા અમેરિકાએ એક મહત્વપૂર્ણ નિર્ણય લીધો છે. સંરક્ષણ

સચિવ પીટ હેગસેથે યુએસ આર્મીના સૌથી વરિષ્ઠ અધિકારી રેન્ડી જ્યોર્જને તાત્કાલિક અસરથી પદ

છોડવા કહ્યું છે. પેન્ટાગોને ગુરુવારે આ વાતની પુષ્ટિ કરી હતી, પરંતુ આ નિર્ણય માટે કોઈ સ્પષ્ટ કારણ

આપવામાં આવ્યું નથી. આ નિર્ણય એવા સમયે લેવામાં આવ્યો છે જ્યારે અમેરિકા અને ઇઝરાયલ ઈરાન

સામે લશ્કરી કાર્યવાહી ચાલુ રાખી રહ્યા છે.
જનરલ રેન્ડી જ્યોર્જ ઓગસ્ટ 2023 થી આર્મી ચીફ તરીકે સેવા આપી રહ્યા હતા, અને તેમનો કાર્યકાળ

સામાન્ય રીતે ચાર વર્ષનો હોય છે, પરંતુ તેમને અધવચ્ચે જ હટાવી દેવામાં આવ્યા હતા. તેઓ એક

અનુભવી લશ્કરી અધિકારી છે અને તેમણે ગલ્ફ વોર, ઇરાક અને અફઘાનિસ્તાન જેવા મોટા યુદ્ધોમાં ભાગ

લીધો છે. પેન્ટાગોનના પ્રવક્તા સીન પાર્નેલે પુષ્ટિ આપી હતી કે જનરલ રેન્ડી જ્યોર્જ 41મા આર્મી ચીફ

ઓફ સ્ટાફ તરીકે તાત્કાલિક અસરથી પદ છોડી રહ્યા છે. તેમણે દેશ પ્રત્યે જ્યોર્જની દાયકાઓની સેવાની

પ્રશંસા કરી, પરંતુ એ પણ સ્પષ્ટ કર્યું કે સૈન્યમાં નેતૃત્વ પરિવર્તનનો સમય આવી ગયો છે. રસપ્રદ વાત

એ છે કે, તેમની નિવૃત્તિના થોડા દિવસો પહેલા, જનરલ જ્યોર્જ વેસ્ટ પોઈન્ટ ખાતે કેડેટ્સને તાલીમ

આપી રહ્યા હતા અને તેમના અનુભવો શેર કરી રહ્યા હતા.
જનરલ રેન્ડી જ્યોર્જનો કાર્યકાળ સામાન્ય રીતે 2027 સુધી ચાલવાનો હતો, પરંતુ તેમને અધવચ્ચે જ

દૂર કરવામાં આવ્યા હતા. તેઓ એક અનુભવી અધિકારી છે અને તેમણે ગલ્ફ વોર, ઇરાક અને

અફઘાનિસ્તાન જેવા મુખ્ય મિશનમાં ભાગ લીધો છે. તેમણે લોયડ ઓસ્ટિનના લશ્કરી સલાહકાર તરીકે

પણ સેવા આપી છે. ક્રિસ્ટોફર લાનેવને કામચલાઉ ધોરણે આર્મી ચીફ તરીકે નિયુક્ત કરવામાં આવ્યા છે.

લાનેવ અગાઉ વાઇસ ચીફ તરીકે સેવા આપી હતી અને 82મા એરબોર્ન ડિવિઝનનું નેતૃત્વ કર્યું હતું.

પેન્ટાગોને તેમને “અનુભવી અને વિશ્વસનીય” અને વહીવટી નીતિઓને અસરકારક રીતે અમલમાં મૂકવા

સક્ષમ ગણાવ્યા છે.