આસામ વિમાન દુર્ઘટનામાં શહીદ સૈનિકોને મોરારિબાપુએ પાઠવી શ્રદ્ધાંજલિ

આસામના જોરહટ વિસ્તારમાં સર્જાયેલી એક કરુણ વિમાન દુર્ઘટનામાં દેશની રક્ષા કાજે પ્રાણ ગુમાવનાર ભારતીય સેનાના જવાનોને પ્રખ્યાત કથાકાર મોરારિબાપુએ ઊંડા સદભાવપૂર્વક શ્રદ્ધાંજલિ પાઠવી છે. આ આકસ્મિક દુર્ઘટના અંગે મોરારિબાપુએ ભારે દુઃખ વ્યક્ત કરીને શહીદ સૈનિકોના પરિવારો પ્રત્યે પોતાની સંવેદના પ્રકટ કરી છે.
ભારતીય સેનાના જોરહટ સ્થિત હવાઈમથક પર વિમાન તૂટી પડતાં સર્જાયેલા આ અકસ્માતમાં સેનાના ૫ જાબાંજ સૈનિકોએ પોતાના પ્રાણ ગુમાવ્યા છે. મોરારિબાપુ દ્વારા આ તમામ શહીદોના પરિવારોને મદદરૂપ થવા અને સંવેદના રૂપે આર્થિક સહાયની જાહેરાત કરવામાં આવી છે. જે અંતર્ગત પ્રત્યેક સૈનિકના પરિવારને રૂપિયા ૨૫,૦૦૦ લેખે કુલ રૂપિયા ૧,૨૫,૦૦૦ની સહાય અર્પણ કરવામાં આવશે. આ સહાયની રાશિ સેનાના હવાઈદળ અંતર્ગતના ભંડોળમાં સીધી પહોંચાડવાની પ્રક્રિયા હાથ ધરવામાં આવી રહી છે. બાપુએ દિવંગત આત્માઓની શાંતિ માટે પ્રાર્થના પણ કરી છે.