ભાવનગર જિલ્લાના મોટા ખુટવડા પોલીસ સ્ટેશનની ટીમ મોડી રાત્રે પેટ્રોલીંગમાં હતી. તે દરમિયાન રાત્રે ૧:૨૦ વાગ્યે ખાનગી રાહે મળેલી ચોક્કસ બાતમીના આધારે મોટા ખુટવડા ગામના શિતળાઈ પ્લોટ વિસ્તારમાં આવેલ વેલનાથ બાપાની વાડીના પાછળના ભાગે રેઇડ કરવામાં આવી હતી. જ્યાં સ્ટ્રીટ લાઈટના અજવાળે ખુલ્લી પડતર જગ્યામાં ગંજીપાના વડે હાર-જીતનો તીન પત્તીનો જુગાર રમી રરહેલા 4 શખ્સોને ઝડપી લઈને ધોરણસરની કાર્યવાહી હાથ ધરી હતી.
ખુટવડા પોલીસે પંચો રૂબરૂ રેઇડ કરી જુગાર રમતા .શિવાભાઈ લાખાભાઈ ઠોળીયા ઉ.વ. ૨૮, અનીલભાઈ નાનાભાઈ વાઘેલા ઉ.વ. ૨૩, કાળુભાઈ શંભુભાઈ ચાવડા ઉ.વ. ૩૦, તથા બાવચંદભાઈ કેશુભાઈ ધાનકવાડીયા ઉ.વ. ૩૦ને ઝડપી લઈને તેઓની પાસથી તેમજ જુગારના પટમાંથી રોકડા રૂપિયા અને ગંજીપાનામળી આવ્યા હતા. પોલીસે કુલ રૂ. ૨,૮૩૦/- ની રોકડ અને મુદ્દામાલ કબ્જે કર્યો હતો અને પકડાયેલા તમામ આરોપીઓ મોટા ખુટવડાના શિતળાઈ પ્લોટ વિસ્તારના જ રહેવાસીઓની જાહેર જગ્યામાં જુગાર રમવા બદલ અટકાયત કરી જુગાર ધારા કલમ ૧૨ મુજબ ગુનો નોંધી આગળની કાયદેસરની કાર્યવાહી હાથ ધરી છે.
