ભાવનગર જિલ્લાના મોટા ખુટવડા પોલીસ સ્ટેશનની ટીમ રાત્રિ પેટ્રોલીંગમાં હતી. તે દરમિયાન ખાનગી રાહે મળેલી ચોક્કસ બાતમીના આધારે જેસર તાલુકાના ઉગલવાણ ગામે પ્લોટ વિસ્તારમાં રેઇડ કરવામાં આવી હતી. જ્યાં આણંદભાઇ હીમાશીયાના ઘર પાસે સ્ટ્રીટ લાઇટના અંજવાળે ખુલ્લી જાહેર જગ્યામાં તીન પત્તીનો જુગાર રમી રહેલા 4 શખ્સોને ઝડપી લઈને ધોરણસરની કાર્યવાહી હાથ ધરાયેલ.
મોટા ખુટવડા પોલીસને પેટ્રોલિંગ દરમિયાન મળેલી બાતમીના આધારે પંચોને સાથે રાખી દરોડો પાડી ગોળ કુંડાળું વળીને હાર-જીતનો જુગાર રમતા ચાર શખ્સો આણંદભાઈ કાળુભાઈ હિમાશીયા ઉ.વ. ૪૦, જેન્તીભાઇ ઉર્ફે ટેકુ ભીમજીભાઈ ડાભી ઉ.વ. ૪૫, પ્રવિણભાઈ ધનજીભાઈ હિમાશીયા ઉ.વ. ૩૫ તથા
ઘનશ્યામભાઇ પ્રેમજીભાઇ હિમાશીયા ઉ.વ. ૫૦ને કોર્ડન કરી ઝડપી લીધા હતા. ઝડપાયેલા શખ્સો પાસથી અને જુગારના પટમાંથી રોકડા 3300 અને ગંજીપાના મળી આવ્યા હતા. પોલીસે કુલ રૂ. ૩,૩૦૦/- ની રોકડ રકમ તથા જુગારનું સાહિત્ય કબ્જે કરી ઉગલવાણના ચારેય આરોપીઓની કાયદેસર અટકાયત કરી છે અને તેમની વિરૂદ્ધ જુગાર ધારા કલમ ૧૨ મુજબ ગુનો નોંધી આગળની તપાસ હાથ ધરી છે.
