ગુજરાત બેન્ક વર્કર્સ યુનિયન દ્વારા સમાજ ઉપયોગી સામાજિક કાર્યો થઈ રહ્યા છે. હાલમાં જ ગુજરાત બેંક વર્કર્સ યુનિયનના ભાવનગર જિલ્લાના યુનિટના સભ્યોએ એક ફંડ ઉભુ કરી વિવિધ સામાજિક સંસ્થામાં પોતાનું યોગદાન આપ્યુ હતું. આ અંતર્ગત યુનિયન દ્વારા રવિવારના રોજ સવારે ડોન ચોક પાસે ૬ લીમડાના વૃક્ષોનું વૃક્ષારોપણ કર્યું હતું. યુનિયનના સહમંત્રી વિશાલ ઠક્કર, તૌસીફ ચૌહાણ, કમિટીના સભ્ય વિશાલ ભેલીયા, વુમન સી.સી. મેમ્બર પ્રગતિબેન, યુથ સી.સી. મેમ્બર જશપાલ લાવાણી તથા પુનિતભાઈ ઓઝાના હસ્તે વૃક્ષારોપણ કરવામાં આવ્યું હતું. યુનિયનના તમામ સભ્યો પણ વૃક્ષારોપણમાં જોડાયા હતા. આ પ્રસંગે ગ્રીનસીટીના દેવેનભાઈ શેઠ તથા અચ્યુતભાઈ મહેતા હાજર રહ્યા હતા.
