ભાવનગર એલ.સી.બી. પોલીસ સ્ટાફના રાજુભાઈ ગોવિંદભાઈ વાઘેલા તથા ટીમ પાલિતાણા ડિવિઝનના ગારીયાધાર પોલીસ સ્ટેશન વિસ્તારમાં નાઇટ પેટ્રોલીંગમાં હતા. તે દરમિયાન વેળાવદર ગામે અવેડાની બાજુમાં જાહેર જગ્યાએ લાઈટના અંજવાળે કેટલાક ઇસમો જુગાર રમી રહ્યા હોવાની બાતમી મળી હતી.
ખાનગી બાતમીના આધારે પોલીસે સ્થળ પર રેડ કરી તીન પત્તીનો હારજીતનો જુગાર રમતા જેતુભાઈ આલેકભાઈ સોઢીયા (રહે. વેળાવદર), વિશાલભાઈ ઠાકરશીભાઈ પરમાર (રહે. વેળાવદર), અનિલભાઈ રતીભાઈ જીંજરીયા (રહે. વેળાવદર) તથા કિરીટભાઈ અરજણભાઈ ખીમસુરીયા (રહે. વેળાવદર) સહીત ચાર શખ્સો ઝડપાયા હતા.પોલીસે પકડાયેલા શખ્સો પાસેથી ગંજીપાના નંગ-૫૨ અને રોકડ રૂ. ૧૩,૨૫૦ સહિતનો કુલ મુદ્દામાલ પંચનામું કરી કબજે કર્યો હતો.આ તમામ ચારેય આરોપીઓ વિરુદ્ધ જુગારધારા કલમ-૧૨ મુજબ ગુનો નોંધી, પોલીસે રાત્રે કલાક ૦૨:૦૦ વાગ્યે તમામની ધોરણસર અટકાયત કરી આગળની કાયદેસરની કાર્યવાહી હાથ ધરી છે.
