મહિલા સશક્તિકરણ અંતર્ગત નયી તાલીમની શાળાઓમાં અભ્યાસ કરતી ધોરણ- ૧૦ અને ૧૨ ની ૨૦૦ દીકરીઓને રૂ. ૬ લાખની સ્કોલરશીપનું વિતરણ કરવામાં આવ્યું હતું. ઘર અને ગામડાનું પરિસર છોડીને ખાસ ભણતર માટે થઈ ‘નયી તાલીમ’ની શાળાઓમાં હૉસ્ટેલમાં રહીને ભણતી તેજસ્વી દીકરીઓ ધોરણ- ૧૦ અને ૧ર નાં વર્ષમાં આર્થિક કારણોસર અભ્યાસ ન છોડે તેવાં શુભ આશયથી વર્ષઃ ૨૦૦૦થી પ્રારંભાયેલ સેવા થકી ૩,૬૫૩ બહેનોને રૂ. ૨૮ લાખની સહાય પહોંચાડવામાં આવી છે. અભ્યાસ સાથે બહેનો ઔદ્યોગિક તાલીમ મેળવે તે માટે થઈ ૧૫૪ જરૂરિયાતમંદ બહેનોને રૂ ૧૮,૮૪,૦૦૦ ની સાધન સહાય પહોંચાડવામાં આવી છે. ગાંધી મહેન્દ્ર ચત્રભુજ ઍજ્યુકેશનલ ટ્રસ્ટના સહયોગથી ભાવનગર ગ્રામ વિસ્તારની દીકરી માટેની દીર્ઘકાલીન સેવા ગૌરાંગભાઈ અને ભદ્રેશભાઈ ગાંધીએ અભૂતપૂર્વ સહકાર આપ્યો છે.
