સર, હેલ્પ મી, મેં આપકી ટ્રેનકા એક બોય હું, સર આપકી ટ્રેનમેં કોઈ બોંબ લેકર જા રહા હે. સર આપ મેરી બાત કા યકીન કરો, ઉસને ચીલ્ડ્રન કો પકડ રખા હે. જોધપુર સુપરફાસ્ટ એક્સપ્રેસ ટ્રેનમાંથી એક મુસાફરે આ પ્રકારનો કંટ્રોલ મેસેજ કરતા જ પોલીસ, આર.પી.એફ અને બી.ડી.ડી.એસની ટીમ દોડતી થઈ હતી. મહેસાણા રેલવે પોલીસ સ્ટેશનમાં ફરજ બજાવતા નિતેષકુમારને કંટ્રોલરૂમમાંથી આ મેસેજના આધારે તેઓ ટીમો સાથે ચેકીંગમાં નિકળ્યા હતા. આ મામલે એલ.સી.બી અને એસ.ઓ.જી ને પણ જાણ કરી દેવામાં આવી હતી. ટ્રેન રાતના સાડા અગ્યાર વાગે સાબરમતી રેલવે સ્ટેશને પહોંચી હતી. જે અંગે તપાસમાં કોઇ વાંધાજનક વસ્તુ ન મળી આવતા હવે રેલવે પોલીસે ગુનો નોંધી આરોપીની ધરપકડ કરી છે.
રેલવે પોલીસે આ મામલે નોંધેલા ગુનાને લઇને તપાસ કર્યા બાદ જોધપુર સુપરફાસ્ટ એક્સપ્રેસ ટ્રેનના કોચ નંબર એસ-3માં સીટ નંબર 63 પર મેસેજ કરનાર યુવક મળી આવતા તેની પુછપરછ કરવામાં આવી હતી. તેની સાથેના યુવકે ટિકિટ બતાવતા બન્ને મુસાફરોએ મેડતા રેલવે સ્ટેશનથી દાદર રેલવે સ્ટેશન સુધીની ટિકિટ લીધી હતી. મેસેજ કરનાર યુવકને સાબરમતી રેલવે પોલીસ મથકે લાવી પૂછપરછ કરવામાં આવી હતી.
યુવકનુ નામ દેવેન્દ્રસિંહ રાઠોડ અને તે મૂળ રાજસ્થાનનો અને હાલ સુરતમાં રહેતો હોવાની કબૂલાત કરી હતી. વધુ પુછપરછ કરતા તેણે જણાવ્યુ હતુ કે, તે પોતાના મિત્ર નેમીચંદ કડવા સાથે જોધપુર સુપરફાસ્ટ ટ્રેનમાં ઘાંચીપુરથી મેડતા જતા હતા. જે દરમિયાન ટ્રેનના ટોઈલેટ પાસે એક રેલવે કંટ્રોલનો નંબર મળ્યો હતો અને તે નંબર ઉપર મજાક મજાકમાં બોંબ સંબંધે અફવાનો મેસેજ આરોપી મુસાફરે કર્યો હતો.
આ મામલે સાબરમતી રેલવે પોલીસ મથકે યુવક સામે ખોટો મેસેજ કરી લોકોમાં ભયનો અને ગભરાટનો માહોલ ઉભો થાય અને અંશાતિ ઉભી કરવા મામને ગુનો નોંધાતા પોલીસે તેની ધરપકડ કરી છે. અને આરોપીની પુછપરછ હાથ ધરી છે.
