દેશની રાજધાની દિલ્હીમાં ભારતનો બીજો Apple Store ઓપન થઈ ગયો છે. એપલના ચીફ એક્ઝિક્યુટિવ ઓફિસર ટિમ કુકે દિલ્હીના સાકેતમાં એપલ સ્ટોરનું ઉદ્ઘાટન કર્યું. ભારતનો પ્રથમ એપલ સ્ટોર મુંબઈના બાંદ્રા કુર્લા કોમ્પ્લેક્સમાં ખોલવામાં આવી હતો, જે 18 એપ્રિલે લોકો માટે ખુલ્લો મૂકવામાં આવ્યો હતો. આઇફોન ઉત્પાદક કંપની ભારતમાં 25 વર્ષ પૂર્ણ કરી રહી છે આ અવસર પર કંપનીએ દેશને બે એપલ સ્ટોર ભેટમાં આપ્યા છે.
સાકેતમાં એપલ સ્ટોર જોવા માટે ભીડ એકઠી થઈ હતી. મુંબઈમાં એપલ સ્ટોરના ઉદ્ઘાટન વખતે પણ કંઈક આવું જ જોવા મળ્યું હતું. એકસાથે બે સ્ટોર ખોલવાથી એપલ ભારતીય ગ્રાહકો સાથે વધુ સારી રીતે જોડાઈ શકશે. તે જ સમયે, ગ્રાહકોને એક છત નીચે Appleના વિવિધ ઉત્પાદનો ખરીદવાની તક પણ મળશે.