ઈન્ડિયન પ્રીમિયર લીગની આ સિઝનમાં રવિવારે દિવસની પ્રથમ મેચ ગુજરાત ટાઇટન્સ અને લખનઉ સુપરજાયન્ટ્સ વચ્ચે અમદાવાદના નરેન્દ્ર મોદી સ્ટેડિયમમાં રમાઈ ગઈ હતી. જેમાં ગુજરાત ટાઇટન્સે લખનઉ સુપરજાયન્ટ્સને 56 રને હરાવ્યું હતું.
લખનઉને 228 રનનો ટાર્ગેટ મળ્યો હતો. જેની સામે ટીમ 20 ઓવરમાં 7 વિકેટે 171 રન જ બનાવી શકી હતી. લખનઉ તરફથી સૌથી વધુ ક્વિન્ટન ડી કોકે 41 બોલમાં 70 રન ફટકાર્યા હતા. કાઇલ મેયર્સ 32 બોલમાં રન બનાવ્યા હતા. ગુજરાત તરફથી સૌથી વધુ મોહિત શર્માએ 4 વિકેટ ઝડપી હતી. જ્યારે નૂર અહેમદ, રાશિદ ખાન અને મોહમ્મદ શમીને 1-1 વિકેટ મળી હતી. આ જીત સાથે જ હવે ગુજરાતે પ્લેઑફમાં એન્ટ્રી કરી લીધી છે. ગુજરાત ટાઇટન્સ સતત બીજીવાર પ્લેઑફમાં પહોંચી છે.
