આપણા દેશમાં પેટ્રોલની કિંમત લગભગ 100 રૂપિયાની આસપાસ સ્થિર થઈ ગઈ છે. પહેલા લોકો માનતા હતા કે આંતરરાષ્ટ્રીય બજારમાં તેલના ભાવ ઘટવાથી ભારતમાં પેટ્રોલના ભાવ ઘટશે, પરંતુ હવે તેમની આશા ધૂળમાં ફેરવાઈ રહી છે. જેના કારણે હવે લોકો પેટ્રોલ અને ડીઝલનું રેશનિંગ કરવા લાગ્યા છે અને ખૂબ જ સમજી વિચારીને ઘરની બહાર વાહનો કાઢે છે. આવી સ્થિતિમાં, જો તમને ખબર પડે કે વિશ્વમાં એક એવી જગ્યા છે જ્યાં પેટ્રોલ ચોકલેટ કરતાં પણ સસ્તું છે અને લોકો બિસ્કિટના પેકેટની કિંમતમાં તેમની કારની ટાંકી ભરે છે, તો તમને કેવું લાગશે? આવો, આજે અમે તમને આ વિષય પર વિગતવાર માહિતી આપવા જઈ રહ્યા છીએ અને જણાવીશું કે વિશ્વમાં સૌથી સસ્તા ભાવે પેટ્રોલ વેચતા ટોપ-10 દેશો કયા છે.
સુદાનમાં પેટ્રોલની કિંમત
સુદાન સૌથી સસ્તું પેટ્રોલ વેચતા દેશોની આ શ્રેણીમાં 10મા સ્થાને છે. GlobalPetrolPrice.com ના અહેવાલ મુજબ સુદાનમાં પેટ્રોલની કિંમત 51.08 રૂપિયા પ્રતિ લિટર છે. આ દેશમાં પેટ્રોલિયમના ઘણા કુવા છે, જેનું તેલ વેચીને આ દેશ પોતાનું અર્થતંત્ર ચલાવે છે.
આ યાદીમાં સૌથી સસ્તું પેટ્રોલ વેચતા ટોપ-10 દેશોમાં નવમું સ્થાન કતારનું છે. ત્યાં પેટ્રોલની કિંમત 42.84 રૂપિયા પ્રતિ લીટર છે. જ્યારે કઝાકિસ્તાનમાં પેટ્રોલ 33.11 રૂપિયા પ્રતિ લીટરના ભાવે વેચાય છે. આ યાદીમાં તે 8મા નંબરે છે.
તુર્કમેનિસ્તાનમાં આટલું સસ્તુ છે પેટ્રોલ
ગ્લોબલ પેટ્રોલ પ્રાઇસ ડોટ કોમના રિપોર્ટ મુજબ, મધ્ય પૂર્વ એશિયાઈ દેશ તુર્કમેનિસ્તાનમાં પેટ્રોલની કિંમત 31.85 રૂપિયા પ્રતિ લીટર છે. આ યાદીમાં તે 7મા નંબરે છે. જ્યારે નાઈજીરિયા આ યાદીમાં 29.85 રૂપિયા પ્રતિ લિટર પેટ્રોલ વેચીને છઠ્ઠા નંબર પર છે. આ દેશ ભારતને મોટા પ્રમાણમાં પેટ્રોલ પણ વેચે છે.
કુવૈતમાં પેટ્રોલની કિંમત 25.91 રૂપિયા પ્રતિ લીટર છે. તે યાદીમાં 5મા નંબરે આવે છે. અલ્જીરિયામાં પેટ્રોલની કિંમત 25.24 રૂપિયા પ્રતિ લીટર છે અને તે ચોથા નંબર પર છે. આફ્રિકન દેશ અંગોલામાં પેટ્રોલની કિંમત 18.56 રૂપિયા પ્રતિ લીટર છે. આ યાદીમાં તે ત્રીજું સ્થાન ધરાવે છે.
આ દેશમાં વેચાય છે સૌથી સસ્તું પેટ્રોલ
વિશ્વમાં સૌથી સસ્તું પેટ્રોલ વેચતા દેશોની યાદીમાં બીજા સ્થાને (Cheapest Petrol in the World) ઈરાનનું છે. ત્યાં પેટ્રોલ 4.45 રૂપિયા પ્રતિ લીટરના ભાવે વેચાય છે. હવે અમે તમને જણાવી રહ્યા છે કે, દુનિયામાં ચોકલેટ કરતા પણ સસ્તું પેટ્રોલ ક્યાં વેચાય છે. વિશ્વનું સૌથી સસ્તું પેટ્રોલ સાઉદી અરેબિયા કે યુએઈમાં નહીં પરંતુ વેનેઝુએલામાં વેચાય છે. ત્યાં લોકો 1.48 રૂપિયા પ્રતિ લીટરના ભાવે પેટ્રોલ ખરીદે છે.
