ભાવનગર શહેરમાં સાંજે વીજળીના કડાકા ભડાકા સાથે ધોધમાર તૂટી પડ્યો છે. શહેરમાં 41 ડિગ્રી ગરમી વચ્ચે એકાએક વરસાદ શરૂ થયો હતો. ભાવનગર શહેરમાં મેઘગર્જના સાથે વરસાદ શરૂ થયા સાથે ભારે પવન ફૂંકાઈ રહ્યો છે. ભાવનગરમાં વિજળીનાં કડકા ભડાકા અને પવન સાથે જોરદાર વરસાદ વરસી રહ્યો છે. ભારે પવન સાથે વરસાદ થતાં શહેરનાં જસોનાથ સર્કલ નજીક હોર્ડિંગ્સ બોર્ડ ધરાશયી થયા છે. જોકે હોર્ડિંગ્સ બોર્ડ ધરાશયી થવાની ઘટનામાં સદનસીબે કોઈ જાનહાની થવા પામી નથી.
ભાવનગર શહેરમાં બે દિવસના વિરામ બાદ ફરી આજે સાંજે વરસાદ પડ્યો છે. શહેરમાં ભારે પવન વચ્ચે વરસાદ ભાવનગર શહેરનું મહત્તમ તાપમાન આજે 41.0 ડીગ્રી નોંધાયું હતું જ્યારે લઘુત્તમ તાપમાન 28 .0 ડીગ્રી રહેવા પામ્યું હતું . વાતાવરણમાં ભેજનું પ્રમાણ 51 ટકા નોંધાયુ હતું. જ્યારે પવનની ઝડપ 38 કી.મી. પ્રતિ કલાક રહેવા પામી હતી. હવામાન વિભાગનું માનીએ તો દક્ષિણ પૂર્વ અરબી સમુદ્રમાં 5 તારીખે સાયક્લોનિક સર્ક્યુલેશન બનશે. આ સાથે 7 જૂન આસપાસ સાયક્લોનિક સર્ક્યુલેશન લો-પ્રેશર બની શકે છે. જેને કારણે દક્ષિણ સૌરાષ્ટ્ર અને દક્ષિણ ગુજરાતના ભાગોમાં ભારે વરસાદ પડી શકે છે. તારીખ 7 થી 11 વચ્ચે ભારે વરસાદની સંભાવના છે
