આજે વિશ્વભરમાં આંતરરાષ્ટ્રીય યોગ દિવસની ઉજવણી કરવામાં આવી રહી છે ત્યારે આજે સુરતમાં યોજાયેલા રાજ્યકક્ષાના યોગ દિવસ કાર્યક્રમમાં ઈતિહાસ રચાયો છે. સુરતમાં રાજ્યકક્ષાના યોગ દિવસ પર વિશ્વ રેકોર્ડ સર્જાયો છે. સુરતમાં આજે 1.50 લોકોએ એકસાથે યોગાભ્યાસ કરીને વિશ્વ વિક્રમ સર્જ્યો છે. આંતરરાષ્ટ્રીય યોગ દિવસે સુરતે ગિનીસ બુકમાં વર્લ્ડ રેકોર્ડ નોંધાવ્યો છે.
આજે આંતરરાષ્ટ્રીય યોગ દિવસ છે. ત્યારે સુરતના ડુમ્મસ રોડ ખાતે આજે રાજ્યકક્ષાના યોગ દિવસ કાર્યક્રમની ઉજવણી કરવામાં આવી. આ વર્ષે યોગ દિવસની થીમ વસુધૈવ કુટુંબકમ રાખવામાં આવી હતી. સુરત ખાતે યોજાયેલા રાજ્યકક્ષાના કાર્યક્રમમાં વહેલી સવારથી જ લાખોની સંખ્યામાં લોકો ઉમટી પડ્યા હતા. આ કાર્યક્રમમાં મુખ્યમંત્રી ભૂપેન્દ્ર પટેલ, ગૃહ રાજ્યમંત્રી હર્ષ સંઘવી અને ભાજપના પ્રદેશ અધ્યક્ષ સી.આર પાટીલ પણ હાજર રહ્યા હતા. સુરતમાં એક સાથે 1.50 લાખ લોકોએ યોગ કર્યા હતા. 1.50 લાખ લોકોનો એક સાથે યોગ કરવાનો વિશ્વ રેકોર્ડ નોંધાયો છે.
યોગ દિવસ કાર્યક્રમમાં CM ભૂપેન્દ્ર પટેલે જણાવ્યું હતું કે, આજે વિશ્વભરના દેશો યોગને અપનાવી રહ્યા છે. UNમાં 180 દેશના પ્રતિનિધિઓ આજે યોગા કરશે. આજે વિશ્વ આખું 9મો વિશ્વ દિવસ ઉજવી રહ્યું છે. પ્રધાનમંત્રીના સુશાશનના પણ 9 વર્ષ પૂર્ણ થયા છે એ એક સંજોગ છે. વિશ્વ ભરમાં યોગ જાગૃતિ વધી છે. ગુજરાતમાં 72000 સ્થળો પર યોગદિનની ઉજવણી કરવામાં આવી રહી છે. જેમાં સવા કરોડ લોકો જોડાયા છે. તેમણે જણાવ્યું કે, સુરત ખાતે ગિનિસ વર્લ્ડ રેકોર્ડ નોંધવામાં આવ્યો છે. યોગને પ્રોત્સાહન આપવા યોગ બોર્ડની રચના કરાઈ છે.