એશિયન ગેમ્સનાં ચોથા દિવસે ભારતે પહેલો ગોલ્ડ મેડલ જીતી લીધો છે. મહિલાઓએ 25 મીટર પિસ્ટલ ટીમ ઈવેન્ટમાં બાજી મારી છે. ચીનના હોંગઝોઉમાં ચાલી રહેલા એશિયન ગેમ્સ 2023ના ચોથા દિવસે ઘણા ગેમ્સ રમાઈ. ભારતે એશિયન ગેમ્સના શરૂઆતી ત્રણ દિવસોમાં 3 ગોલ્ડ સહિત કુલ 14 મેડલ જીત્યા હતા. પરંતુ હવે મહિલાઓએ બાજી મારી છે અને ભારતને વધુ એક ગોલ્ડ જીતાડ્યો છે. ભારત એશિયન ગેમ્સના પોઈન્ટ ટેબલ પર હાલ ત્રીજા ક્રમે છે. ભારતે મહિલાઓની 25 મીટર પિસ્તોલ ટીમ ઈવેન્ટમાં ગોલ્ડ મેડલ જીત્યો છે. ભારતને મનુ ભાકર, રિદમ સાંગવાન અને ઈશા સિંહની ટીમે ગોલ્ડ જીતાડ્યો છે.
