ડિઝીટલ ટેકનોલોજીએ માણસનું જીવન સરળ કરી નાંખ્યું છે, સાથે સાથે મુશ્કેલીઓ પણ વધારી દીધી છે. બોયફ્રેન્ડ પાસે પોતાની પ્રાઈવેટ તસ્વીરો ખેંચાવનાર એક યુવતીએ અહેસાસ થયો કે બોયફ્રેન્ડના મોબાઈલમાંથી આ તસ્વીરો ડિલીટ કરવી જોઈએ, જયારે તેણે બોયફ્રેન્ડનો ફોન મેળવીને ફોટો ગેલેરી ખોલી તો તેની આંખો જ ફાટી ગઈ, તેમાં તેના સહિત એક-બે નહીં પણ 13 હજાર જેટલી યુવતીઓની ન્યુડ તસવીરો હતો.જયારે યુવતીને ભાન થયું તો તેણે ઓફિસમાં કામ કરતા લોકોને સૂચીત કર્યા બાદમાં ઓફિસની લીગલ હેડ યુવતીના બોયફ્રેન્ડ અને ઓફિસના કર્મચારી આદિત્ય સામે સાઈબર ક્રાઈમમાં ફરિયાદ કરતા પોલીસે તેની ધરપકડ કરી લીધી છે.
આ ચોંકાવનારા બનાવ અંગે મળતી વિગત મુજબ 22 વર્ષની તન્વી (નામ બદલ્યું છે) એક બીપીઓમાં કામ કરે છે. તે પોતાની જ ઓફિસમાં કામ કરતા આદિત્ય સંતોષ નામના યુવક સાથે સંબંધમાં હતી. આ દરમિયાન આદિત્યે તેની કેટલીક ‘અંગત’ તસ્વીરો ખેંચી હતી. તન્વી આદિત્યના ફોનમાંથી પોતાની ‘અંગત’ તસ્વીરો ડીલીટ (હટાવવા) માંગતી હતી, તેણે આદિત્યની જાણ બહાર મોબાઈલની ફોટો ગેલેરી ખોલી તો તેના હોશકોશ ઉડી ગયા. કારણ કે તેમાં તન્વી સહિત લગભગ 13 હજાર મહિલાઓની ન્યુડ તસ્વીરો હતી.
આ ખબર પડતા જ તન્વીએ આદીત્ય સાથે સંબંધ ખતમ કરી નાખ્યા હતા. બાદમાં તન્વીએ 20 નવેમ્બરે પોતાની ઓફિસમાં બધાને સૂચીત કર્યા હતા. બીપીઓની લીગલ હેડ અર્ચના (નામ બદલ્યું છે) પણ આદિત્ય સામે 23 નવેમ્બરે સાઈબર ક્રાઈમ પોલીસમાં ફરિયાદ નોંધાવી હતી. તન્વીને શક ગયો કે કેટલીક તસ્વીરો મોર્ફ કરેલી છે. બીજી બાજુ કંપનીએ કામ કરતી અન્ય મહિલાઓની સુરક્ષાને ધ્યાને લઈ પોલીસમાં ફરિયાદ કરી. પોલીસે આદિત્યની ધરપકડ કરી લીધી છે. પોલીસે કહ્યું હતું કે મોબાઈલમાં કેટલાક ફોટા અસલી છે, કેટલાક મોર્ફ છે, અમે એ પણ પતો લગાવી રહ્યા છીએ કે આ ફોટાથી તેણે કોઈને બ્લેકમેલ તો નથી કર્યાને? તેની ચેટ અને કોલ હિસ્ટ્રીની પણ તપાસ હાથ ધરી છે.
